Ish-banorja e Big Brother Vip, Sara Gjordeni, ka qenë personi më i komentuar përgjatë kohëve të fundit në mediat rozë. Lidhja e saj me Bardhin, përplasjet në rrjetet sociale me menaxherin e tij, marrëdhënia e saj me familjarët e partnerit të saj kanë zënë pothuajse titujt kryesorë të portaleve.
Gjithashtu, as jeta private e Sarës nuk është lënë jashtë kornizës. Deklarata që ajo bëri pas daljes nga shtëpia më e famshme në Shqipëri, ku mes lotësh rrëfeu se të atin nuk e kishte njohur dhe se ky i fundit i kishte braktisur së bashku me nënën është komentuar gjatë.
Por, a kanë qenë të vërteta fjalët që ish-banorja e shtëpisë së Big Brother tha mes lotësh?
Së fundmi, një person, i cili pohon se është i ati i Sara Gjordenit ka përgenjështruar deklaratat që ish-konkurrentja ka bërë në media. Në një prononcim për TVA NEWS, Artur Gjordeni, me zë dhe figurë ka hedhur poshtë fjalët e Sarës, duke thënë se ai nuk e ka braktisur vajzën e tij.
Sipas tij, ka qenë nëna e Sarës ajo e cila e ka shtyrë atë të flasë keq për të atin. Sa i përket, arsyes së ndarje, Artur Gjordeni thotë se me nënën e Sarës janë divorcuar pasi ai e kishte kapur duke e tradhëtuar.
“Babai mamanë tënde e ka lënë për tradhti bashkëshortore. Për arsye se më tradhtonte edhe e kam kam vetë. Jam Artur Gjordeni, jam babai i Sara Gjordenin po e jap këtë intervistë se nuk e prisja këtë nga vajza ime. Më ka akuzuar se kam djegur shtëpinë dhe e kam nxjerrë nga shtëpia.
Mbasi lindi Sara kemi vajtur me shpi më Kuçovë në shtëpinë e një kushëriri. Me vonë ai më lajmëroi se donte t’ja lëshoja shtëpinë. Erdhi tezja e Sarës dhe na la ajo shtëpinë e saj. Unë kam qenë punonjës Policie dhe po ti kisha bërë këto gjëra do më kishin marrë policia direkt. Çfarë shpie kam djegur dhe kur e kam lënë jashtë me të ëmën? Unë jam rritur jetim, Sara ka lindur në fshat këtu ka qenë tre muajshe. Mbas katër muajsh kemi vajtur në Kuçovë. Kurse Sara e përgenjështron që thotë babain nuk e njoh. Unë e mbaj në portofol vajzën , me këtë foto u prezantua në Big Brother. Ajo flet kështu se e ka mësuar e ëma”, dëgjohet të thotë ai.
