Connect with us

Lajme

Udhëheqësit politik në Maqedoni me urime për festën e Kurban Bajramit

Udhëheqësit politik në Maqedoninë e Veriut kanë uruar qytetarët mysliman për festën e Kurban Bajramit.

Mesazhi kryesor i tyre është që të ketë harmoni dhe respekt ndaj njëri-tjetrit. Ata gjithashtu kanë apeluar për respektim të masave për mbrojtje nga COVID-19.

Më poshtë i keni urimet e disa prej politikanëve në vend:

Talat Xhaferi:
“Kam nderin që në emrin tim personal dhe në emër të Kuvendit të Republikës së Maqedonisë së Veriut, t’ju uroj festën e madhe myslimane, Kurban Bajrami, me dëshirë që festa t’ju gjejë me shëndet të mirë dhe paqe shpirtërore. Kjo është festë e cila në vete e bart mesazhin e solidaritetit, afërsisë dhe bashkëndjesisë ndaj të gjithë njerëzve, të afërm apo të largët, fqinjë apo familje, të njohur apo të njohur të rastësishëm. Festë në të cilën ndahet fjala edhe mendimi i bukur, edhe begatitë e tryezës, edhe respekti dhe falja. Jemi mësuar që festën ta kalojmë të rrethuar me zhurmë të hareshme dhe përqafime të ngrohta, buzëqeshje të sinqerta. Për fat të keq, pothuajse prej fillimit të këtij viti jemi të detyruar ti ndryshojmë shprehitë tona të përditshme të funksionimit dhe gjithsesi, te festimit. Pandemia me Kovid – 19 është këtu dhe si duket do të zgjasë. Ne, dhe natyrisht gjithë bota, mësojmë mënyra të reja të jetës dhe punës. Përveç kësaj, në rast se deri tani nuk mësuam, tani mësojmë për vetëdijen dhe ndërgjegjen kolektive, për atë se sa me rëndësi është që çdo individ të mbajë llogari për veprimet e veta, që të njëjtat mos reflektojnë negativisht mbi familjet tona të afërme dhe mbi gjithë të tjerët. Ti respektojmë rekomandimet e institucioneve shëndetësore, që ti ndihmojmë vetes dhe sistemit tonë shëndetësor”.

Stevo Pendarovski:
“Mëshira dhe dashuria midis njerëzve le të jenë pjesë e jetëve tona jo vetëm për festat, por edhe gjatë gjithë vitit. Të vazhdojmë me ndershmëri dhe në thelb të ndajmë këtë me familjen tonë, miqtë tanë dhe tërë komunitetin”, theksohet në urimin e Pendarovskit. Sot kur i gjithë civilizimi njerëzor përballet me pandeminë e Kovid-19, sipas tij, “duhet të tregojmë unitet dhe harmoni dhe të bashkuar të dalim fitimtarë. Shpreh besimin se me forcën e lutjes dhe dashurisë do të tejkalojmë të gjitha sfidat me të cilat përballemi në plan personal dhe kolektiv”.

Menduh Thaçi:
“Të nderuar besimtarë të fesë islame, Kurban Bajrami është festë e solidaritetit, moralit dhe respektit, andaj uroj që të vazhdojmë t’i kultivojmë këto vlera të mirëfillta. Në emër të Partisë Demokratike Shqiptare dhe në emrin tim personal ju uroj të gjithë besimtarëve të fesë islame festën e Kurban Bajramit, duke ju dëshiruar shumë shëndet, mirëqenie dhe gëzim. Me respekt”.

Ali Ahmeti:
“Festën e sivjetme të sakrificës së Kurban Bajramit po e shënojmë në kushte të veçanta të kujdesit për shëndetin publik, andaj dhe ju lus shumë që t’i përmbahemi rekomandimeve të autoriteteve shëndetësore dhe fetare. Uroj që festa t’ju gjejë në shëndet të mirë të gjithë juve dhe familjeve tuaja si dhe t’ju sjellë mbarësi e gëzime për juve, për kombin dhe për vendin. Të lutemi bashkërisht për shëndetin e të gjithë të prekurve dhe për tejkalimin sa më të shpejtë e më të lehtë së kësaj gjendje të vështirë që po na e ndryshon mënyrën e jetesës. Gëzime e mbarësi të keni përgjithmonë miq, shumë urime dhe të fala të gjithëve”.

Bilall Kasami:
“Në këtë ditë dëshmohet sakrifica, solidariteti ndaj skamnorëve dhe ndaj njëri tjetrit. Në këto kushte të pandemisë, duhet të jemi vigjilent, t’i respektojmë rekomandimet e institucionëve shëndetësore, mbajtjen e maskave si dhe ruajtjen e distancës sociale. Lusim Zotin t’i shpërblejë të gjithë ata që në ditë feste kujtojnë skamnorët dhe ndajnë me ta kafshatën e tyre. Kjo festë le të shërbejë si mesazh i paqes, lirisë dhe i unitetit për të gjithë muslimanët anë e mbanë botës. Urime Kurban Bajramin, mbizotroftë paqja dhe toleranca në familjet tuaja”.

Ziadin Sela:
“Festa e Kurban Bajramit le të shërbejë si mesazh i paqes, lirisë dhe përpjekjes së përbashkët në realizimin e synimeve tona! Situata që kemi në vend me pandeminë COVID -19, na obligon edhe gjatë këtyre ditëve festive, t’u përmbahemi protokolleve shëndetësore”.

Zoran Zaev:
“Të nderuar qytetarë, pjesëtarë të bashkësisë fetare islame ua uroj festën e Kurban Bajramit, me dëshirat më të mira që këtë festë ta kaloni në disponim të mirë me më të afërmit e juaj dhe gjithsesi me respektimin e masave për mbrojtje nga koronavirusi. Kjo festë, është festë përmes së cilës përhapet mirësia dhe është përkujtim se pikërisht solidariteti, barazia dhe ndihmesa e ndërsjellë dhe respektimi janë vlerat rreth së cilave të gjithë duhet të jemi të bashkuar. Vetëm në këtë mënyrë, nëse vërtetë e ndihmojmë dhe respektojmë njëri-tjetrin, nëse jemi solidarë me njëri-tjetrin do t’ia dalim ta ndërtojmë një shoqëri të barabartë dhe të drejtë të individëve të respektuar dhe të kënaqur. Vlerat dhe fryma që kjo festë na e sjellë me vete le të na udhëheqin në rrugën e një të ardhme më të mirë dhe më të ndritur për të gjithë”.

Hristijan Mickoski:
Më lejoni në emrin tim personal dhe në emër të anëtarëve të OBRM-PDUKM-së të gjithë pjesëtarëve të besimit islam ua uroi festën e madhe fetare Kurban Bajrami. Sinqerisht nga zemra ju uroj shumë shëndet, fat dhe suksese dhe këtë festë uroj ta kaloni në paqe, dashuri dhe gëzim me më të afërmit. Kjo festë është një ndër festat më të mëdha në islam e cila gjithmonë na përkujton në humanizmin dhe solidaritetin si vlera themelore të njeriut. Dashuria midis njerëzve dhe mirëkuptimi bazohen në mirëqenien e përgjithshme të një shoqërie. Maqedonia ka qenë dhe do të jetë vend në të cilin fryma e traditës, por edhe respektimi i ndërsjellë kanë qenë ura të cilat i kanë lidhur njerëzit e besimeve dhe etnive të ndryshme”.

Click to comment

You must be logged in to post a comment Login

Leave a Reply

Kosovë

Rexhep Selimi thotë se Qeveria Kurti ishte hap i mirë për Bashkimin Kombëtar

Deputeti i VV-së, Rexhep Selimi, ka shpalosur edhe një pjesë të rrëfimit të tij nga e kaluara, monbilizimin për të themeluar UÇK-në, por ka folur edhe për pasionin e tij për artin.

Ai ka deklaruar se “Familja Jashari” ishte shembulli më i mirë për të motivuar rininë që të bashkëngjitej në UÇK, ndërsa rënia heroike e Adem Jasharit sjelli edhe mobilizimin më të madh të UÇK-së në luftë.

Sipas tij, UÇK-ja do të mbetet një shembull unik me kauzë origjinale, ndërsa është shprehur se ende nuk është jetësuar ideali i dëshmorëve që ishte edhe e drejta për bashkimin kombëtar, njofton 24-ore.info

“Mbi të gjitha, ideali i tyre ka qenë liria. Bashkë me lirinë vijnë edhe të drejtat tona qytetare të cilat nuk i kemi. Për lirinë edhe mund të flasim a e kemi apo nuk e kemi, por të drejtat tjera kombëtare nuk i kemi. E, një ndër ato që nuk e kemi jetësuar ende, idealin e dëshmorëve është edhe vetë e drejta për t’u bashkuar, e drejta e bashkimit kombëtar. Kështu që bashkë me lirinë vjen edhe e drejta për vetëvendosje. E drejta për vetëvendosje sjell edhe atë që një komb i ndarë padrejtësisht, ka të drejtën e natyrshme të jetë i bashkuar. Ose, askush nuk ka të drejtë ta ndajë dhunshëm”, ka thënë Rexhep Selimi.

Ai ka mohuar se Lëvizja Vetëvendosje nuk po merret më me kauzën e bashkimit kombëtar.

“Ka shumë gjëra që thuhen nga një pozicion dhe që veprohet kur të vish në poziconin e duhur. Ndoshta ne kemi folur më shumë për luftën para luftës sesa kur e kemi filluar luftën. Sepse kur fillon luftën nuk ke se çfarë të flasësh për të, futesh në betejë. Dhe mendoj se Qeveria Kurti ka qenë hap i mirë drejt bashkimit kombëtar dhe do të jetë në të ardhmen hap i mirë drejt bashkimit kombëtar”, ka deklaruar Selimi. Sipas tij, bashkimi kombëtar përtej dëshirës dhe ndjenjes është edhe interes dhe se kjo përmbushet me një qeverisje të mirë.

Ai ka kundërshtuar zërat se bashkimit kombëtar do të sjellte bashkimin e problemeve të të dy shteteve, Kosovës dhe Shqipërisë.

“Ata që kombin e shohin si problem, bashkimin kombëtar mund ta shohin si bashkim i problemeve. Kombi nuk është problem. Ata që e shohin bashkimin si moszhvillim, atëherë hajde le të ndahemi edhe këta që kemi ngelë, pra. Po të jetë ndarja zhvillim do të ndahej Gjermania sot me të gjitha ato “lande” që i ka. Ose Zvicra me gjithë ato kantone që i ka. Pra, ndarja nuk është avancim, nuk është zhvillim. Ndarja nga trungu, jo. Ndarja nga e huaja mund të jetë zhvillim. Dhe ne e kemi bërë këtë parën, jemi ndarë nga i huaji, jemi ndarë nga Serbia, jemi ndarë nga ata që nuk iu përkasim, por kjo nuk do të duhej të shihej njëjtë me ata që i përkasin njëri – tjetrit”, ka deklaruar Selmi duke shtuar se Kosova dhe Shqipëria janë një tërësi e ndarë në dysh.

Continue Reading

Kosovë

Lladrovci po vazhdon trajtimin në infektive me oksigjeno-terapi

Kryetari i Komunës së Drenasit, është shtrirë në Klinikën Infektive. Lladrovci ka thënë se gjendja e tij është stabile.

Dhjetë ditë pasi ka rezultuar pozitiv me COVID 19, Ramiz Lladrovci është shtrirë në Klinikën Infektive në Prishtinë

Ai njoftoi se do të izolohet në shtëpinë e tij në Drenas, por që nga e mërkura u detyrua të kërkoi ndihmë në QKUK.

Gjendja e tij thuhet se është stabile.

Këtë gjë e tha në një bisedë për T7 edhe djali i tij, Lapidari i cili gjatë së premtes u pa në klinikën ku po trajtohet kryetari i Drenasit.

Lapidar Lladrofci, tha se babai i tij është duke u trajtuar me oksigjen.Ndërkohë në dhomën ku po trajtohet Ramiz LLadrovci, duket se nuk kishte pacientë të tjerë dhe se trajtimi ndaj tij ishte i mirë.

Edhe në komunën e Drenasit kanë thënë se gjendja e kryetarit është e mirë, por me rekomandimin e mjekëve ai është shtrirë në Infektivë.

Ramiz Lladrovci kishte njoftuar me 27 Korrik se ka rezultuar pozitiv me COVID-19.

Continue Reading

Botë

Nitrat apo raketa? Erdogan bën deklaratën e fortë për shpërthimin në Beirut

Presidenti i Turqisë, Rexhep Tayyip Erdogan, bëri deklarata të forta në lidhje me shpërthimin e pak ditëve më parë në Liban, i cili shkaktoi 135 të vdekur dhe 5 000 të plagosur.

Ndryshe nga sa janë shprehur deri më tani autoritetet lokale libaneze, Erdogan nuk qendroi vetëm tek versioni i nitratit duke përmendur edhe një version tjetër, atë të shpërthimit të raketave të fshehura aty duke theksuar ndërkohë që askush s’duhet të nxitohet në përfundime.

“Ky shpërthim është i dyti i kësaj përmase vitet e fundit në Beirut, pas vrasjes së kryeministrit Hariri. Sigurisht, ky i fundit kishte përmasa më të mëdha. Ne jemi duke punuar, po ashtu edhe shërbimet tona sekrete. Ka të dhëna se shpërtheu nitrati, të dhëna të tjera flasin për raketa, ende nuk e dimë saktësisht këtë. Për aq sa nuk kemi diçka të sigurt, nuk na shkon neve politikanëve që të bëjmë deklarata të nxituara”, tha Erdogan.

Lideri turk është i dyti që i jep krahë konspiracionistëve pas deklaratës së bujshme të Donald Trump, i cili shpërthimin e cilësoi si një “sulm” dhe jo incident. Pas Trump reagoi Departamenti i Mbrojtjes, i cili tha se nuk ka të dhëna të plota nëse kishim të bënim me një sulm.

Continue Reading

Recent Posts