Një tjetër aksident në punë është regjistruar pasditen e kësaj të marte ku një i ri ka humbur jetën tragjikisht.
Sipas njoftimit të Policisë mësohet se rreth orës 15:30, në fshatin Brataj, Selenicë, një 24-vjeçar teksa po punonte në guroren e fshatit është dëmtuar nga gurët. Fatkeqësisht si pasojë i riu me ininciale J.V ka humbur jetën.
Grupi hetimor ndodhet në vendngjarje dhe po punon për sqarimin e rrethanave të ngjarjes.
