Pas shumë orësh në pritje, autoritetet kufitare serbe kanë liruar 300 udhëtarët kosovarë dhe 12 autobusët janë nisur drejt Kosovës.
Prej mesantës, autoritetet kufitare serbe në kufijtë mes Serbisë dhe Kroacisë në Batrovc dhe Horgosh nuk lejonin kalimin e autobusëve me targat dhe shtetas të Kosovës. Ky veprim i autoritetetve serbe ka ardhur në shenjë hakmarrje pas vendimit në Asamblenë Parlamentare pro anëtarësimit të Kosovës në Këshillin Europian.
Qytetarët kosovarë për shumë orë mbetën pa ushqime dhe pa ilaçe, mes tyre dhe disa fëmijë të mitur. Përkëtë ngjarje të paprecedent reaguan partnerët ndërkombëtarë të Kosovës ku iu drejtuan Vuçiç të mos bëjë këto gabime.
Ndërsa qytetarëve kosovarë nuk i ishte dhënë asnjë informatë për pritjet të cilat filluan që nga ora 22:00 e datës 16 janar. Sipas medieve në Kosovë policia serbe deklaroi se i kishte ndaluar për kontroll rutinë.
