Connect with us

Lajme

Prokuroria heton bombat e publikuara në periudhën parazgjedhore

Pesëmbëdhjetë ditë pas zgjedhjeve të parakohshme parlamentare, ende nuk është zbardhur se kush publikonte regjistrime të përgjuara në periudhën parazgjedhore. Regjistrime të reja të paligjshme në internet nuk ka.

Ky proces i qërimit politik të hesapeve përfundoi me votimin më 15 korrik. Por, bisedat e publikuara ende qëndrojnë në kanalin e “Youtube”-s. Nga Prokuroria për Alsat bënë të ditur se janë duk hetuar – kush, si dhe pse i ka publikuar regjistrimet në të cilat aktorë kryesorë ishin liderët e LSDM-së dhe VMRO-DPMNE-së, Zoran Zaev dhe Hristijan Mickoski.

Deri te Prokuroria Themelore në Shkup MPB-ja ka parashtruar lajmërim me shkrim për zbatimin e kallëzimit penal lidhur me regjistrimet që ishin publikuar në disa kanale të Youtube gjatë fushatës parazgjedhore. Duke vepruar sipas lajmërimit me shkrim, janë duke u bërë kontrolle për të përcaktuar cilët persona i kanë çelur kanalet në Youtube dhe i kanë publikuar bisedat e regjistruara. Njëherësh, janë duke u bërë edhe kontrolle të tjera për përcaktimin e gjendjes faktike. Varësisht nga faktet e përcaktuara dhe dëshmitë e siguruara, Prokuroria Publike do të vendosë në përputhje me Ligjin për procedurë penale – thonë nga Prokuroria Themelore Publike.

Nga dita e parë e fushatës zgjedhore, filloi edhe publikimi i regjistrimeve të paligjshme nga liderët e partive. Ndonëse edhe LSDM-ja edhe VMRO-DPMNE-ja përgënjeshtruan se si subjekte qëndrojnë pas publikimit të “bombave”, megjithatë procesi i diskreditimit politik mes tyre shkonte në mënyrë të koordinuar. Nëse do të ishte publikuar regjistrim për Mickoskin, në mënyrë të shpejtuar pas vetëm disa orëve, vijonte edhe material audio për Zaevin dhe anasjelltas. Në internet publikoheshin pjesë parciale të takimeve të dy liderëve. Zoran Zaevi bisedon me djalin e ish-kundërzbuluesit Zoran Verushevski, derisa për Mickoskin dolën disa pjesë të bisedave që i ka zhvilluar me të dënuarin Zoran Milevski – Kiçeec, por edhe me tetë deputetët e përjashtuar të VMRO-DPMNE-së, të cilët votuan për ndryshimet kushtetuese.

Click to comment

You must be logged in to post a comment Login

Leave a Reply

Kosovë

Rexhep Selimi thotë se Qeveria Kurti ishte hap i mirë për Bashkimin Kombëtar

Deputeti i VV-së, Rexhep Selimi, ka shpalosur edhe një pjesë të rrëfimit të tij nga e kaluara, monbilizimin për të themeluar UÇK-në, por ka folur edhe për pasionin e tij për artin.

Ai ka deklaruar se “Familja Jashari” ishte shembulli më i mirë për të motivuar rininë që të bashkëngjitej në UÇK, ndërsa rënia heroike e Adem Jasharit sjelli edhe mobilizimin më të madh të UÇK-së në luftë.

Sipas tij, UÇK-ja do të mbetet një shembull unik me kauzë origjinale, ndërsa është shprehur se ende nuk është jetësuar ideali i dëshmorëve që ishte edhe e drejta për bashkimin kombëtar, njofton 24-ore.info

“Mbi të gjitha, ideali i tyre ka qenë liria. Bashkë me lirinë vijnë edhe të drejtat tona qytetare të cilat nuk i kemi. Për lirinë edhe mund të flasim a e kemi apo nuk e kemi, por të drejtat tjera kombëtare nuk i kemi. E, një ndër ato që nuk e kemi jetësuar ende, idealin e dëshmorëve është edhe vetë e drejta për t’u bashkuar, e drejta e bashkimit kombëtar. Kështu që bashkë me lirinë vjen edhe e drejta për vetëvendosje. E drejta për vetëvendosje sjell edhe atë që një komb i ndarë padrejtësisht, ka të drejtën e natyrshme të jetë i bashkuar. Ose, askush nuk ka të drejtë ta ndajë dhunshëm”, ka thënë Rexhep Selimi.

Ai ka mohuar se Lëvizja Vetëvendosje nuk po merret më me kauzën e bashkimit kombëtar.

“Ka shumë gjëra që thuhen nga një pozicion dhe që veprohet kur të vish në poziconin e duhur. Ndoshta ne kemi folur më shumë për luftën para luftës sesa kur e kemi filluar luftën. Sepse kur fillon luftën nuk ke se çfarë të flasësh për të, futesh në betejë. Dhe mendoj se Qeveria Kurti ka qenë hap i mirë drejt bashkimit kombëtar dhe do të jetë në të ardhmen hap i mirë drejt bashkimit kombëtar”, ka deklaruar Selimi. Sipas tij, bashkimi kombëtar përtej dëshirës dhe ndjenjes është edhe interes dhe se kjo përmbushet me një qeverisje të mirë.

Ai ka kundërshtuar zërat se bashkimit kombëtar do të sjellte bashkimin e problemeve të të dy shteteve, Kosovës dhe Shqipërisë.

“Ata që kombin e shohin si problem, bashkimin kombëtar mund ta shohin si bashkim i problemeve. Kombi nuk është problem. Ata që e shohin bashkimin si moszhvillim, atëherë hajde le të ndahemi edhe këta që kemi ngelë, pra. Po të jetë ndarja zhvillim do të ndahej Gjermania sot me të gjitha ato “lande” që i ka. Ose Zvicra me gjithë ato kantone që i ka. Pra, ndarja nuk është avancim, nuk është zhvillim. Ndarja nga trungu, jo. Ndarja nga e huaja mund të jetë zhvillim. Dhe ne e kemi bërë këtë parën, jemi ndarë nga i huaji, jemi ndarë nga Serbia, jemi ndarë nga ata që nuk iu përkasim, por kjo nuk do të duhej të shihej njëjtë me ata që i përkasin njëri – tjetrit”, ka deklaruar Selmi duke shtuar se Kosova dhe Shqipëria janë një tërësi e ndarë në dysh.

Continue Reading

Kosovë

Lladrovci po vazhdon trajtimin në infektive me oksigjeno-terapi

Kryetari i Komunës së Drenasit, është shtrirë në Klinikën Infektive. Lladrovci ka thënë se gjendja e tij është stabile.

Dhjetë ditë pasi ka rezultuar pozitiv me COVID 19, Ramiz Lladrovci është shtrirë në Klinikën Infektive në Prishtinë

Ai njoftoi se do të izolohet në shtëpinë e tij në Drenas, por që nga e mërkura u detyrua të kërkoi ndihmë në QKUK.

Gjendja e tij thuhet se është stabile.

Këtë gjë e tha në një bisedë për T7 edhe djali i tij, Lapidari i cili gjatë së premtes u pa në klinikën ku po trajtohet kryetari i Drenasit.

Lapidar Lladrofci, tha se babai i tij është duke u trajtuar me oksigjen.Ndërkohë në dhomën ku po trajtohet Ramiz LLadrovci, duket se nuk kishte pacientë të tjerë dhe se trajtimi ndaj tij ishte i mirë.

Edhe në komunën e Drenasit kanë thënë se gjendja e kryetarit është e mirë, por me rekomandimin e mjekëve ai është shtrirë në Infektivë.

Ramiz Lladrovci kishte njoftuar me 27 Korrik se ka rezultuar pozitiv me COVID-19.

Continue Reading

Botë

Nitrat apo raketa? Erdogan bën deklaratën e fortë për shpërthimin në Beirut

Presidenti i Turqisë, Rexhep Tayyip Erdogan, bëri deklarata të forta në lidhje me shpërthimin e pak ditëve më parë në Liban, i cili shkaktoi 135 të vdekur dhe 5 000 të plagosur.

Ndryshe nga sa janë shprehur deri më tani autoritetet lokale libaneze, Erdogan nuk qendroi vetëm tek versioni i nitratit duke përmendur edhe një version tjetër, atë të shpërthimit të raketave të fshehura aty duke theksuar ndërkohë që askush s’duhet të nxitohet në përfundime.

“Ky shpërthim është i dyti i kësaj përmase vitet e fundit në Beirut, pas vrasjes së kryeministrit Hariri. Sigurisht, ky i fundit kishte përmasa më të mëdha. Ne jemi duke punuar, po ashtu edhe shërbimet tona sekrete. Ka të dhëna se shpërtheu nitrati, të dhëna të tjera flasin për raketa, ende nuk e dimë saktësisht këtë. Për aq sa nuk kemi diçka të sigurt, nuk na shkon neve politikanëve që të bëjmë deklarata të nxituara”, tha Erdogan.

Lideri turk është i dyti që i jep krahë konspiracionistëve pas deklaratës së bujshme të Donald Trump, i cili shpërthimin e cilësoi si një “sulm” dhe jo incident. Pas Trump reagoi Departamenti i Mbrojtjes, i cili tha se nuk ka të dhëna të plota nëse kishim të bënim me një sulm.

Continue Reading

Recent Posts