Connect with us

Lajme

Mbi 866 objekte pa leje janë evidentuar vetëm vitin e kaluar

Ndërtimet e egra mbeten sëmundje pa shërim për vend. Këtë e dëshmojnë më së miri të dhënat edhe të Entit për statistika, sipas të cilave vetëm vitin e kaluar ka pasur mbi 866 ndërtime PA LEJE të objekteve të ndryshme në të gjithë vendin. Ndërsa numri më i madh është regjistruar në qytetin e Shkupit me 153, pason Kavadarci me 85, Strumica 73 dhe 64 Shtipi, Ohrit 59, 46 Struga. Ndërtime pa leje ka thujse edhe në të gjitha komunat e vendit ndërsa 98.4% e tyre janë bërë në prona private, 10 në prona shtetërore. Për shkak të rritjes së numrit të ndërtimeve pa leje edhe në kryeqytet, kryetari i Qytetit të Shkupit, Petre Shilegov deklaroi se nuk kanë kompetenca në inspektoratet e ndërtimit të komunave brenda kryeqytetit. Andaj do të kërkojë nga Qeveria e re një pjesë të kompetencave.

Konceptin që tim që do ia propozoj Qeverisë së re, është që të bëjmë dualizëm në sistem, ndërsa ky është që Komunat ta mbajnë sjelljen e planit detal urbanistik, dhënien e vendimeve për ndërtim, por inspektimi i plotë ti jepet Qytetit të Shkupit. Kështu mendoj se do të kemi një balanc – deklaroi Petre Shilegov, kryetar i Qytetit të Shkupit.

Nga ministria e Transportit dhe lidhjeve nënvizojnë se do të vazhdojnë të veprojnë në pajtueshmëri me normat pozitive ligjore.

Në drejtim të ndalimit të kësaj situate e cila vazhdon me dekada të tëra, në periudhën e ardhshme Ministria e Transportit dhe Lidhjeve do ti forcojë organet inspektuese dhe kapacitetet e tyre – thonë nga Ministria e Transportit dhe Lidhjeve.

Që qytetarët të mund të legalizojnë objektet pa leje dhe të zgjidhjet për gjithmonë ky problem, dy herë u ndryshua ligji për legalizim. Fillimisht 12 muaj në vitin 2017, dhe plus gjashtë muaj në vitin 2018. Ky ligj zgjati deri në 30 qershor të vitit 2018.

Click to comment

You must be logged in to post a comment Login

Leave a Reply

Botë

“Mos më qëlloni ju lutem” – Publikohen pamje të reja nga rasti i George Floyd

Pamje të reja të rastit të George Floyd janë publikuar së fundmi ndërsa Daily Mail i ka shpërndarë po ashtu, teksa në detaje shihet se si nisi ngjarja e afro-amerikanit, e cila ngjalli protesta të shumta në shumë vende të botës.

Videoja fillon me ardhjen e policisë në vendin e ngjarjes, ndërsa Floyd në ato momente gjendej brenda makinës.

“Ju lutem oficer, mos më qëlloni”, Floyd i drejtohet policit duke qarë.

Në ato momente, oficeri ia kishte drejtuar armën afro-amerikanit, dhe i tha se nuk do e qëllonte.

Floyd i rezistoi arrestimit, ndërsa policia u detyrua ta vendosë atë në pjesën e pasme të makinës, duke u thënë atyre se vuan nga klaustrofobia dhe ankthi.

Afro-amerikani ndërroi jetë më 25 maj në Minneapolis të SHBA-së, pasi njëri nga katër oficerët ia vendosi gjurin në qafë për më shumë se tetë minuta, ndërsa ai i thoshte policisë që nuk mund të merrte frymë. Ky moment shihet edhe tek videoja e mëposhtme 18 minutëshe.

Continue Reading

Kosovë

Deputeti Ukaj që iu vërsul Vjosa Osmanit, premton se do t’ia mbyll gojën edhe Mimoza Kusarit

Deputeti i Kuvendit të Kosovës nga radhët e Lidhjes Demokratike të Kosovës, Xhavit Ukaj, i njohur si deputeti që iu vërsul kryetares së Kuvendit të Kosovës, Vjosa Osmanit, gjatë një seance të mbajtur në Kuvend javë më parë, ka thënë për deputeten Mimoza Kusari-Lila, se do t’ia mbyllim gojën edhe kësaj.

Kjo për shkak se Mimoza Kusari-Lila, kritikoi kryeministrin e Kosovës, Avdullah Hotin, duke thënë se ky i fundit doli në terren duke qenë i dyshuar se është i infektuar me koronavirus.

Ndërkohë, kryetari i LDK’së, Isa Mustafa, reagoi përmes një shkrimi në Facebook, duke e quajtur “xhelate” deputeten Kusari-Lila.

Në një reagim në Facebook ku shahej deputetja Kusari Lila për kritikat që ia bëri Hotit, Ukaj ka shkruar “Ajt se edhe ksaj ja mbyllim gojën”.

Kryeministri Hoti ka njoftuar dje përmes një shkrimi se ka dalë pozitiv në testin ndaj koronavirusit. Rrjedhimisht, si i dyshuar potencial me koronavirus, Hoti kishte dalë në terren duke vizituar disa biznese dhe fermerë në Dragash.

E për shkak se Hot nuk u izolua, reagoi Kusari-Lila duke thënë se nuk na duhet arsye më shumë për ta shkarkuar.

Pas shkrimit të Kusari-Lilës, Isa Mustafa e quajti deputeten e VV’së “xhelate”.

E për reagimin e Xhavit Ukës ndaj Vjosa Osmanit, Shefi i Kabinetit të kësaj të fundit, ka thënë se Ukaj përdori fjalë banale ndaj kryetares së Kuvendit.

Sipas tij, shprehja “Ule gishtin se ta fus në b****”, Peci ka thënë se kjo është vetëm një pjesë e fjalëve fyese që Ukaj i ka përdorur ndaj Osmanit./GazetaExpress/

Continue Reading

Kosovë

Hyseni pas takimeve në State Department dhe Shtëpi të Bardhë: Amerika përkrah marrëveshjen gjithëpërfshirëse

Koordinatori për dialogun me Serbinë, Skënder Hyseni, ka zhvilluar një takim në Uashington me zëvendës Asistent-Sekretarin e Shtetit për Europë dhe Euroazi në Departamentin e Shtetit Amerikan, Mathew Palmer. Palmer është edhe emisar Special për Ballkanin Perëndimor.

Hyseni ka shkruar në Facebook rreth këtij takimi.

“Sot në Washington D.C. pata një takim të gjatë dhe përmbajtësor me Zëvendër Asistent-Sekretarin për Evropë dhe Euroazi në Departamentin Amerikan të Shtetit, Mattheë Palmer, I cili ështe edhe Emisar Special amerikan për Ballkanin Perendimor. Pasi e njoftova për rrjedhën e deritashme të dialogut në Bruksel, me Zotin Palmer bëmë një bisedë të hapur dhe shterruese me qellim të koordinimit me synimin që dialogu të marrë një dinamikë të re duke shtruar, pa u vonuar dhe pa zvarritje, për diskutim dhe akordim çështjen kryesore, marrëveshjen gjithëperfshirëse për njohje reciproke dhe normalizim midis Republikës së Kosovës dhe Serbisë”, thotë ai.

“Duke konstatuar dhe theksuar se krahas BE-së, roli I SHBA-ve në këtë process është i pazëvendsueshëm, me përunjësi i kërkova Zotit Palmer praninë e përhershme aktive të SHBA-së në tryezën e bisedimeve në Bruksel. Pasi theksoi se SHBA çmojnë angazhimin konstruktiv të Qeverisë dhe të gjitha institucioneve Republikës së Kosovës në këtë process, Zoti Palmer theksoi se Shtetet e Bashkuara të Amerikës përkrahin dialogun në Bruksel duke shtuar se Amerika do të jet me Ju përgjatë gjithë këtij procesi, në përkrahje të fuqishme për një marrëveshje të drejtë, të qëndrueshme dhe gjithëpërfshirëse.”

Hyseni tregoi edhe për një vizitë tjetër që pati në kohën sa po qëndron në Uashington.

“Pas takimit me Matheë Palmer, poashtu zhvillova nje bisedë të gjatë me z. Ryan Tully, Drejtor i Lartë dhe znj Amanda R. Ahlers, Drejtore për Evropë në Këshillin për Siguri Kombëtare të Shtëpisë së Bardhë. Biseda poashtu kishte në focus dialogun e rinisur në Bruksel por edhe zhvillimet e përgjithshme në Kosovë dhe rajon”, tregoi ai. /Express/

Continue Reading

Recent Posts