Connect with us

Kosovë

Diaspora dërgon më shumë para gjatë pandemisë, vetëm në maj mbi 100 milionë euro

Linda Zejnullahu, rreth 25 vjeçe, që jeton në Komunën e Shtimes, me vite të tëra pranon mjete financiare nga xhaxhai i saj i cili jeton në shtetin e Gjermanisë, të cilat i shfrytëzon për shkollim. Kjo ka vazhduar edhe gjatë kohës së pandemisë së koronavirusit.

“Mua personalisht më ka dërguar para për shkollim deri në 100 euro në muaj. Gjatë kohës se pandemisë i ka dërguar para edhe familjes sime, 300 euro në muaj. Paratë i ka dërguar vetëm për qejf, pasi unë dhe disa familjarë punojmë në Kosovë”, tha Linda.

Dërgesat e qytetarëve të Kosovës që jetojnë dhe punojnë në vende të ndryshme të botës ishin të pashmangshme edhe gjatë pandemisë COVID-19, me gjithë faktin se pandemia ka prekur edhe shtetet ku punojnë dhe jetojnë emigrantët nga Kosova.

Në gjashtë muajit e parë të këtij viti, vlera e remitencave ka arritur në 433 milionë apo 28 milionë euro më shumë se në periudhën e njëjtë të vitit të kaluar. Kështu ka thënë të mërkurën, më 29 korrik, ministrja e Financave, Hykmete Bajrami, gjatë një konference për media, ku bëri të ditur vendimin për mbulimin e shpenzimeve nga ana e qeverisë për Kartonin e Gjelbër për mërgimtarët që vijnë në Kosovë.

Ndërkaq, sipas të dhënave të Bankës Qendrore të Kosovës (BQK), vetëm në muajin maj të këtij viti, vlera e parave të mërgimtarëve me prejardhje nga Kosova, që jetojnë dhe punojnë jashtë vendit, ka qenë 100,7 milionë euro, ndërsa në muajin maj të vitit të kaluar kjo vlerë ka qenë 78,4 milionë euro.

Përfaqësues të shoqërisë civile, ndërkaq theksojnë se diaspora ka reaguar shpejtë me remitenca, për të ndihmuar familjet e tyre në Kosovës, për shkak të pasojave që ka shkaktuar pandemia në buxhetin familjar të tyre.

Lirim Krasniqi hulumtues dhe analist i politikave në organizatën “Germin”, që merret kryesisht me çështje të diasporës, thotë për Radion Evropa e Lirë, se edhe vendet ku është e koncentruar diaspora kosovare, janë të prekura nga pandemia e koronavirusit, por siç thotë ai, ata kanë shfrytëzuar kursimet e tyre financiare.

“Edhe kjo vërehet nëse i shikojmë kanalet e dërgimit të remitencave. Shihet se shuma më e madhe e parave kanë ardhur përmes agjencive për transferim të shpejtë. Kjo tregon se rritja e nivelit të remitencave ka ardhur si reagim i diasporës për të ndihmuar familjet me të ardhurat e tyre në Kosovë, të cilët janë prekur nga pandemia”, tha Krasniqi.

Sipas të dhënave të BQK-së, nga shuma e përgjithshme e dërgesave prej 100,7 milionë euro, në muajin maj të këtij viti, 88,6 milionë euro janë dërguar përmes agjencive për transferë të mjeteve, kurse përmes bankave komerciale që operojnë në Kosovë, janë dërguar 12,2 milionë euro.

Përveç remitencave të dërguara për familjet e tyre, nga diaspora kosovare janë grumbulluar mbi 716 mijë euro në llogarinë e dedikuar të Thesarit, si mbështetje financiare për luftimin koronavirusit, që shkakton sëmundjen COVID-19.

Ndihma nga diaspora ka ardhur pas thirrjes që u ka bërë mërgimtarëve ish-kryeministri i Kosovës, Albin Kurti, më 12 prill të këtij viti.

Drejtori i përgjithshëm i Thesarit të Kosovës, Ahmet Ismaili, në një bisedë për Radion Evropa e Lirë, tha se llogaria është ende aktive.

“Kjo nuk ka qenë llogari vetëm për bashkatdhetarët, kjo është llogari për donacione dhe grante. Normal se kontributin më të madh e ka dhënë diaspora e Kosovës që jeton në vende të ndryshme të Evropës dhe botës”, tha Ismaili.

Numri i qytetarëve të Kosovës që jetojnë jashtë vendit, sipas të dhënave të Agjencisë së Statistikave të Kosovës, deri në fund të vitit 2018, vlerësohet të jetë mbi 850 mijë banorë.

Ekonomia e Kosovës vazhdon të ketë një varshmëri të madhe nga remitencat apo dërgesat e qytetarëve të Kosovës që jetojnë dhe punojnë në vende të ndryshme të botës.

Në vitin 2019, vlera e remitencave ishte mbi 800 milionë euro.

Këto mjete përgjatë viteve kanë pasur një rol të rëndësishëm në ekonominë e Kosovës, duke nxitur rritjen ekonomike dhe duke siguruar të ardhura shtesë për familjet me të ardhura më të ulëta.

Click to comment

You must be logged in to post a comment Login

Leave a Reply

Kosovë

Rexhep Selimi thotë se Qeveria Kurti ishte hap i mirë për Bashkimin Kombëtar

Deputeti i VV-së, Rexhep Selimi, ka shpalosur edhe një pjesë të rrëfimit të tij nga e kaluara, monbilizimin për të themeluar UÇK-në, por ka folur edhe për pasionin e tij për artin.

Ai ka deklaruar se “Familja Jashari” ishte shembulli më i mirë për të motivuar rininë që të bashkëngjitej në UÇK, ndërsa rënia heroike e Adem Jasharit sjelli edhe mobilizimin më të madh të UÇK-së në luftë.

Sipas tij, UÇK-ja do të mbetet një shembull unik me kauzë origjinale, ndërsa është shprehur se ende nuk është jetësuar ideali i dëshmorëve që ishte edhe e drejta për bashkimin kombëtar, njofton 24-ore.info

“Mbi të gjitha, ideali i tyre ka qenë liria. Bashkë me lirinë vijnë edhe të drejtat tona qytetare të cilat nuk i kemi. Për lirinë edhe mund të flasim a e kemi apo nuk e kemi, por të drejtat tjera kombëtare nuk i kemi. E, një ndër ato që nuk e kemi jetësuar ende, idealin e dëshmorëve është edhe vetë e drejta për t’u bashkuar, e drejta e bashkimit kombëtar. Kështu që bashkë me lirinë vjen edhe e drejta për vetëvendosje. E drejta për vetëvendosje sjell edhe atë që një komb i ndarë padrejtësisht, ka të drejtën e natyrshme të jetë i bashkuar. Ose, askush nuk ka të drejtë ta ndajë dhunshëm”, ka thënë Rexhep Selimi.

Ai ka mohuar se Lëvizja Vetëvendosje nuk po merret më me kauzën e bashkimit kombëtar.

“Ka shumë gjëra që thuhen nga një pozicion dhe që veprohet kur të vish në poziconin e duhur. Ndoshta ne kemi folur më shumë për luftën para luftës sesa kur e kemi filluar luftën. Sepse kur fillon luftën nuk ke se çfarë të flasësh për të, futesh në betejë. Dhe mendoj se Qeveria Kurti ka qenë hap i mirë drejt bashkimit kombëtar dhe do të jetë në të ardhmen hap i mirë drejt bashkimit kombëtar”, ka deklaruar Selimi. Sipas tij, bashkimi kombëtar përtej dëshirës dhe ndjenjes është edhe interes dhe se kjo përmbushet me një qeverisje të mirë.

Ai ka kundërshtuar zërat se bashkimit kombëtar do të sjellte bashkimin e problemeve të të dy shteteve, Kosovës dhe Shqipërisë.

“Ata që kombin e shohin si problem, bashkimin kombëtar mund ta shohin si bashkim i problemeve. Kombi nuk është problem. Ata që e shohin bashkimin si moszhvillim, atëherë hajde le të ndahemi edhe këta që kemi ngelë, pra. Po të jetë ndarja zhvillim do të ndahej Gjermania sot me të gjitha ato “lande” që i ka. Ose Zvicra me gjithë ato kantone që i ka. Pra, ndarja nuk është avancim, nuk është zhvillim. Ndarja nga trungu, jo. Ndarja nga e huaja mund të jetë zhvillim. Dhe ne e kemi bërë këtë parën, jemi ndarë nga i huaji, jemi ndarë nga Serbia, jemi ndarë nga ata që nuk iu përkasim, por kjo nuk do të duhej të shihej njëjtë me ata që i përkasin njëri – tjetrit”, ka deklaruar Selmi duke shtuar se Kosova dhe Shqipëria janë një tërësi e ndarë në dysh.

Continue Reading

Kosovë

Lladrovci po vazhdon trajtimin në infektive me oksigjeno-terapi

Kryetari i Komunës së Drenasit, është shtrirë në Klinikën Infektive. Lladrovci ka thënë se gjendja e tij është stabile.

Dhjetë ditë pasi ka rezultuar pozitiv me COVID 19, Ramiz Lladrovci është shtrirë në Klinikën Infektive në Prishtinë

Ai njoftoi se do të izolohet në shtëpinë e tij në Drenas, por që nga e mërkura u detyrua të kërkoi ndihmë në QKUK.

Gjendja e tij thuhet se është stabile.

Këtë gjë e tha në një bisedë për T7 edhe djali i tij, Lapidari i cili gjatë së premtes u pa në klinikën ku po trajtohet kryetari i Drenasit.

Lapidar Lladrofci, tha se babai i tij është duke u trajtuar me oksigjen.Ndërkohë në dhomën ku po trajtohet Ramiz LLadrovci, duket se nuk kishte pacientë të tjerë dhe se trajtimi ndaj tij ishte i mirë.

Edhe në komunën e Drenasit kanë thënë se gjendja e kryetarit është e mirë, por me rekomandimin e mjekëve ai është shtrirë në Infektivë.

Ramiz Lladrovci kishte njoftuar me 27 Korrik se ka rezultuar pozitiv me COVID-19.

Continue Reading

Kosovë

Vjen reagimi i Kastratit: Paramilitarët serbë terrorizuan qytetarët e Kamenicës

Kryetari i Komunës së Kamenicës, Qëndron Kastrati, përmes një shkrimi në llogarinë e tij në Facebbook, ka reaguar pas raportimeve për hyrjen e xhandarmërisë serbe në territorin e Kosovës, saktësisht në Karaçevë të Kamenicës.

Kastrati tha se është tejet shqetësuese që gjatë ditës paramilitarë serbë të armatosur kanë hyrë në territorin e Kosovës.

Veprimin e tyre, Kastrati e quajti provokim të vazhdueshëm ku kanë terrorizuar qytetarët e asaj ane.

Tutje, Kastrati tha se lidhur me këtë çështje u ka nisur shkresë presidentit të Kosovës, kryeministrit, ministrit të Mbrojtjes dhe atij të Punëve të Brendshme.

 

 

Më poshtë gjeni reagimin e plotë të kryetarit Kastrati:

Është tejet shqetësuese që përsëri sot gjatë ditës disa paramilitarë apo militarë të armatosur serb, hyn në territorin e Kosovës, konkretisht në fshatin Karaçevë. Siç shihet në edhe në video, ata kanë ardhur në një zonë të frekuentuar nga banorët e të gjitha moshave.

Provokimi i vazhdueshëm dhe terrorizimi i qytetarëve të kësaj ane, është i papranueshëm. Ky është kërcënim direkt për banorët e Karaçevës dhe për gjithë shtetin tonë.

Lidhur me këtë çështje u kam nisur shkresë zyrtare Presidentit të Kosovës, Kryeministrit, Ministrit të Mbrojtjes e atij të Punëve të Brendshme, që konform kompetencave të tyre të veprojnë në këtë drejtim.

Continue Reading

Recent Posts