Connect with us

Kosovë

Çfarë po fshihet prapa deklaratës së Shkëlzen Gashit, zbulohet se çka po përgatitet për Kosovën

Ish-këshilltari i kryeministrit në detyrë të Kosovës, Albin Kurtit – Shkëlzen Gashi, ditë më parë ka qenë i ftuar në një nga televzionet e Kosovës, bëri jehonë me një deklaratë i cili përfsiu të gjithë opinonin duke ardhur deri tek shkarkimi i tij nga detyra,

Gashi u shkarkua nga pozita e këshilltarit politik pas deklaratave të tij për UÇK-në, ku tha se pjesëtarë të saj dyshohet se kanë kryer krime lufte, dhe se janë përgjegjës për zhdukjen e rreth 1 mijë civilëve.

Një deklaratë e tillë ka shkaktuar debat të ashpër në opinion, përfshirë edhe nga vetë akterë të Vetëvendosjes të cilët kërkuan shkarkimin e Gashit.

Në lidhje me këtë Profesori universitar, Enver Bytyçi, në një prononcim për “Bota sot”, u shpreh që u ngritën kundër kësaj deklarate të gjithë politikanët dhe njerëz të tjerë të politikës dhe nxituan ta linçojnë zotin Gashi, deri në atë masë sa edhe ta murosin.

“Kam ndjekur vërtet me shqetësim deklaratat kundër një pohimi të Shkëlzen Gashit, ish-këshilltar i kryeministrit Kurti. Në një intervistë televizive Gashi tha se individë me uniformë, madje me pozitë të lartë në UÇK kanë kryer krime kundër civilëve, përfshirë serbë dhe shqiptarë. U ngritën kundër kësaj deklarate të gjithë politikanët dhe njerëz të tjerë të politikës dhe nxituan ta linçojnë zotin Gashi, deri në atë masë sa edhe ta murosin. Nuk them se duhej ose jo kritikuar ai për korrektësinë ose jokorrektësinë e deklaratës së tij. Por politizimi i skajshëm i saj krijoi një shije të idhët në mendjet e hapura dhe të ftohta: Fushata e linçimit hedh disa dyshime të logjikshme”.

“Pra nëse shtrojmë një pyetje analizë për reagimin e një sërë politikanësh dhe krerë të veteranëve të lidhur me politikën se cila është prapavija e këtyre reagimeve, atëherë veçojmë se:

1. Duhet të lexojmë deklaratën e Baton Haxhiut, në të cilën ai pohon se në marrëveshjen me Serbinë duhet të përfshihet një marrëveshje për faljen e të gjitha krimeve bashkë me çbërjen e Gjykatës Speciale në Hagë. Fushata denigruese ndaj Shkëlzen Gashit është orkestrim i shtabit serb në Prishtinë për ta paraqit këtë marrëveshje si akt historik, me qëllim që publiku të mos surprizohet dhe të mos reagojë nga klauzola e ndryshimit të kufijve, shkëmbimit të territoreve dhe ndarjes së Kosovës. Ndaj u shfrytëzua deklarata e zotit Gashi për të përgatit opinionin për një operacion territorial të Kosovës.

2. Në këto reagime dallohet lehtë përpjekja e të dyshuarve për krime lufte e të akuzuar nga Gjykata Speciale për ta njësuar veten e tyre me Ushtrinë Çlirimtare të Kosovës. Jo pa qëllim deklarata e zotit Gashi manipulohet, duke e paraqit atë si deklaratë të drejtuar kundër UÇK-së. Kjo psikozë është tipike për sistemet totalitare bolshevike. Po u akuzua lideri i UÇK-së, atëherë akuzohet UÇK. Pra funksionon ideologjia e Majakovskit, sipas të cilit “Partia është Lenini dhe Lenini është partia”! UÇK qenka Hashimi dhe Hashimi qenka UÇK?! Paradoks!

3. Frika më e madhe e atyre që shfaqen të shqetësuar nga deklarata e Shkëlzen Gashit ka të bëjë me krimet e pasluftës. Ndaj dhe Hashim Thaçi është investuar për ndryshimin e kufijve me kusht zhbërjen e Gjykatës Speciale. Si është e mundur që mbi 200 vrasje politike që i takojnë polikanëve dhe aktivistëve të LDK-së nuk ka asnjëra prej tyre një autor të caktuar! Është fenomen unik ky në këto kohë. Me qëllim që të shkohet drejt varrosjes së përgjithmonëshme të hetimeve për këto krime regjizorët e tipit Baton Haxhiu organizuan fushatën linçuese ndaj zotit Gashi. Ndërkaq vetë Gashi në një sqarim shtesë të deklaratës fillestare thotë se ai nuk ka shprehur dhe nuk shpreh asnjë reserve për luftën e Ushtrisë Çlirimtare të Kosovës. Gjithçka ka të bëjë me elementë të caktuar në UÇK, të cilët kanë urdhëruar ose kanë kryer krime kundër civilëve gjatë dhe mas luftës”.

Më tej, Bytyçi shprehët që gjatë luftës në adresë të elementit politik shqiptar sidomos në LDK duhen hetuar deri në fund. Edhe nëse familjet e dëshmorëve bien dakord për arsye të ndryshme që këto krime të falen, shoqëria e Kosovës ka nevojë të çlirohet nga krimi, duke përmendur edhe deklaratat e idealistëve të Thaçit.

“Në gjykimin tim krimet politike të pasluftës, por edhe gjatë luftës në adresë të elementit politik shqiptar sidomos në LDK duhen hetuar deri në fund. Edhe nëse familjet e dëshmorëve bien dakord për arsye të ndryshme që këto krime të falen, shoqëria e Kosovës ka nevojë të çlirohet nga krimi. Kjo do të ndodh vetëm atëherë kur vendoset drejtësia dhe kriminelët shkojnë prapa hekurave. Në këtë kuptim vlerësoj se shoqërinë e Kosovës e çlorin nga kjo histori tragjike më shumë deklarata e Shkëlzen Gashit, sesa reagimet dogmatike të idealistëve ose lëpirësve të Hashim Thaçit të kyçur në shtabin e propagandas së Baton Haxhiut”.

Në fund, Profesori, shprehët që Kurti i gjendur përballë kësaj furie e shkarkoi zotin Gashi mirëpo që pavarësisht kësaj nuk duhet që të i lëm ata që vranë kundërshtarët politikë të vrasin edhe vetë Kosovën.

“Kryeministri Kurti i gjendur përballë gjithë kësaj furie reagoi dhe e shkarkoi zotin Gashi nga detyra e këshilltarit të tij. Ai me këtë bën kalkulimet e veta politike. Por e vërteta duhet zbuluar dhe të vërtetës nuk mund t’I iket me kompromise në dëm të interesave dhe territorit të Kosovës. Mos i lini ata që vranë kundërshtarët politikë të vrasin edhe vetë Kosovën”, përfundoi Bytyçi për “Bota sot”./Bota Sot/

Click to comment

You must be logged in to post a comment Login

Leave a Reply

Kosovë

KËSHILLA E WILLIAM WALKER PËR THAÇIN DHE VESELIN – “JEPNI DORËHEQJE, SHKONI NË HAGË”

Këshilla e William Walker për Thaçin dhe Veselin – “jepni dorëheqje, shkoni në Hagë”
Hashim Thaçi dhe Kadri Veseli duhet të shkojnë në Hagë e të mbrohen duke dëshmuar se akuzat janë të rreme, ka thënë ish-ambasadori i OSBE-së gjatë luftës në Kosovë, William Walker, njofton Insajderi.

Por, këtë duhet ta bëjnë të dorëhequr nga pozitat e tyre aktuale, ka pohuar Walker, i cili prejse kishte dokumentar krimet serbe në Kosovë, ka mbetur mik i madh i popullit shqiptar.

I pyetur në një intervistë në televizionin publik të Kosovës, se çfarë duhet të bëhet pas këtyre aktakuzave, përgjigja e tij ka qenë e shkurtër dhe e prerë.

“Mendoj se Hashim Thaçi dhe Kadri Veseli duhet të japin dorëheqje nga pozitat e tyre, cilado që janë ato dhe të shkojnë në para Gjykatës kudo që ajo është dhe të mrbohen e të tregojnë se këto akuza janë të rrejshme”, ka deklaruar Walker.

Presidenti i Kosovës dhe kryetari i PDK-së po akuzohen nga Gjykata Speciale për krime lufte. Ata, sipas publikimit të aktakuzës nga Specialja akuzon për 100 vrasje.

Presidenti Thaçi të hënën niset për Hagë, ku është e vendosur gjykata, për t’u intervistuar.

Ai ka thënë se do ta lë pozitën e presidentit, në qoftë se akuzat ndaj tij vërtetohen

Continue Reading

Kosovë

Simiq: I dhamë 10 vota për krijimin e institucioneve, Osmani: Nuk vrapova korridoreve pas juve

Kryetarja e Kuvendit të Kosovës, Vjosa Osmani, është përplasur ashpër me deputetin e Listës Serbe, Igor Simiq, rreth propozimit për miratimin e një rezolute, në të cilën kërkohet përjashtimi i anëtarëve të Srpskas nga Qeveria të cilët përkrahin vendimet e Serbisë kundër pavarësisë dhe integritetit territorial.

Simiq ka thënë se një deklaratë e tillë nuk mund të jetë si subjekt i një rezolute të tillë. Ai tutje ia ka përmendur Vjosa Osmanit edhe 10 votat e Listës Serbe për themelimin e institucioneve të Republikës së Kosovës.

“Po ju kujtoj se si në koridorret e kësaj ndërtese më ndiqnit për të t’i dhënë 10 votat për t’u zgjedhur kryetare e Kuvendit. Atëherë nuk brengoseshit aspak për politikat e Listës Serbe”, iu drejtuar Simiq Osmanit.

Simiq ndërkohë i ka thënë Osmanit që ta gjejë me video deklaratën për të cilën thotë se është e Rakiqit.

“Ju bëj thirrje ta gjeni deklaratën e Rakiqit me video… Këto nuk janë të vërteta. Në të pavërteta nuk mund të bëhen rezoluta”, ka deklaruar Simiq.

Ndërkohë, reagimi i Osmanit ka qenë i menjëhershëm. Kryekuvendarja Osmani i ka thënë Simiqit se ajo s’e ka ndjekur askënd korridoreve për vota.

Ajo, gjithashtu, ia ka kujtuar Simiqit se deklarata rreth përkrahjes së Vuçiqit është e Listës Serbe dhe se kreu i partisë është Goran Rakiq, zëvendëskryeministri i Kosovës.

“Nuk keni asnjë nevojë të paraqitni të pavërteta para këtij Kuvendi. Unë asnjëherë se kam ndjekur askënd korridoreve për asnjë votë. Kjo është një deklaratë e pavërtetë nga ana juaj. Deklarata të cilën e lexova, të cilën e keni lëshuar në gjuhën serbe dhe atë angleze thotë se mbështesni presidentin Vucic në luftën për “Kosovën dhe Metohinë”, kjo është deklaratë e Listës Serbe, kryetar i Listës Serbe është Goran Rakiq, përveç nëse e keni ndryshu në ndërkohë. Ndërsa kur më keni votuar, nëse keni menduar që unë e përkrah këdo, që i bashkohet Vucicit në beteja diplomatike e politike, e keni pasur gabim. Ju e thatë me të drejtë, keni thënë që po votojmë për themelim të institucioneve. Të gjithë e dimë që s’keni votuar për mua si person, por për themelimin e institucioneve”, ka thënë Osmani. /Express/

Continue Reading

Kosovë

Bajrami jep detaje për çështjen e 170 eurove

Ministrja e Financave, Hykmete Bajrami, është deklaruar serish rreth ndarjes së 170 eurove si pjesë e masave të pakos emergjente.

Në një postim në Facebook, ajo ka thënë se implementimi i masave është peng i votimit të rishikimit të Ligjit të Buxhetit në Kuvend.

“Ndërsa në momentin kur kalon rishikimi i Buxhetit në Kuvend, përgjegjësia është të Ministria e Ekonomisë dhe Ambientit për masat në mbështetje të sektorit privat dhe Ministria e Punës dhe Mirëqenies Sociale për masën numër 15”, ka shkruar Bajrami.

Postimi i plotë:

Të nderuar qytetarë,

Kanë ardhur shumë vërejtje në adresë të Ministrisë së Financave për mos implementim të masave të pakos emergjente.

Dua të ju bëj me dije disa gjëra.

E para; sipas rregullores së re të Qeverisë së Republikës së Kosovës, Ministria e Financave është përgjegjëse për sigurimin e buxhetit për implementim të plotë të pakos emergjente dhe ekzekutim të pagesave përmes Thesarit sipas kërkesave që bëjnë ministritë e linjës.

Me lejoni të ju njoftoj se Ministria e Financave ka gjetur burime financiare për implementim të të gjitha masave të pakos paraprake dhe për masat e reja për rimëkëmbje ekonomike POR këto mjete financiare mund të shpenzohen vetëm pasi të kalojë rishikimi i Buxhetit.

E dyta; sipas rregullores së re të Qeverisë së Republikës së Kosovës Ministria e Financave nuk është përgjegjëse për aprovim të aplikacioneve/kërkesave. Për aprovim të aplikacioneve për të gjitha masat që kanë të bëjnë me masat për sektorin privat janë komisioni ndërinstitucional, i cili e ka përfunduar punën e tij në plotëni, është përgjegjëse Ministria e Ekonomisë dhe Ambientit për aprovim final të listave dhe te Ministria e Financave thjeshtë vjen kërkesa për ekzekutim e cila Thesarit i merr vetëm disa orë për ekzekutim.

Ndërsa për masën numër 15 përgjegjëse është Ministria e Punës dhe Mirëqenies Sociale dhe Ministria e Financave vetëm ekzekuton pagesat.

Kështu për momentin implementimi i masave është peng i votimit të rishikimit të Ligjit të Buxhetit në Kuvendin e Republikës së Kosovës, ndërsa në momentin kur kalon rishikimi i Buxhetit në Kuvend, përgjegjësia është të Ministria e Ekonomisë dhe Ambientit për masat në mbështetje të sektorit privat dhe Ministria e Punës dhe Mirëqenies Sociale për masën numër 15.

Ju faleminderit!

Continue Reading

Recent Posts