ZGJEDHJET PARLAMENTARE
Bordi ekzekutiv i LSDM-së i konfirmoi listat e deputetëve në mbledhjen e mbrëmshme në Shkup.
Në Njësinë e Parë Zgjedhore, pas dyshes Kovaçevski Zajkova, renditen edhe deputetja aktuale Daniela Nikolova dhe Zv/Kryeministri për Cështje Evropiane, Bojan Mariçiq dhe Milena Stojanoviq.
Në Njësin e Dytë Zgjedhore, në pesë vendet e para figurojnë Oliver Spasovski, Fatmir Bytyqi, Sanela Shkrijelj, Martin Kostovski dhe Marko Mihailovski.
Në Njësinë e Tretë pas Lukarevskës dhe Nikolovskit janë lideri i PRSD-së, Goran Misovski, Blago Boçvarski, Lupço Balkovski nga VMRO-Partia Popullore dhe Lupço Blagojski.
Në Njësinë e katërt zgjedhore, krahas tandemit bartës, Venko Filipçe dhe Jovanka Trençevska, gjenden edhe deputeti aktual Mile Talevski, Sonja Mirakovska nga PRSD-ja dhe Borçe Cvetkov nga LSDM-Strumicë.
Njësisë së pestë zgjedhore i prinë Kryeparlamentari Jovan Mitreski. E dyta në listë është Ministrja e Kulturës, Bisera Kostadinovska – Stojçevska, në vend të tretë sekretari organizativ, Mitko Trajçulevski, në të katërtin Bobi Mojsovski nga Partia Liberal – Demokrate dhe në të pestin Enes Ibraim nga Partia e Turqve.
Në listën e gjashtë zgjedhore gjenden Ministrja e Mbrojtjes, Slavjanka Petrovska, Agron Demiri, Ema Neshkovska, Andrijana Tomovska dhe Daniel Antoski.
Këto propozime duhet të marrin mbështetje nga Këshilli Ekzekutiv dhe Qendror, por edhe nga Kongresi I sotëm I LSDM-së.
