Connect with us

Lajme

PDSH-ja kërkon paga dyfish më të larta për personelin mjekësor

Kryetari i PDSH-së Menduh Thaçi, kërkoi paga dyfish më të mëdha për personelin mjekësor dhe ulje të të ardhurave
personale vetëm tek funksionarët e lartë. Këtë e theksoi në konferencën e sotme për shtyp së bashku me Komisionin partiak për shëndetësi rreth gjendjes aktuale me koronavirusin.

“Mendoj se situata ekonomike nga dita në ditë do të bëhet dramatike. Rekomandimi ynë është që të gjitha pagat e funksionarëve të lartë, udhëheqës të institucioneve, deputetëve dhe ministrave etj, të ulen për 50
për qind. Pagat e administratës dhe mësimdhënësve dhe profesorëve të mos ulen. Pagat e mjekëve dhe të gjithë punonjësve shëndetësorë të rriten dy herë më shumë, sepse duhet të stimulohen sa më shumë mjekë dhe lista
mjekësore të cilët nuk punojnë të paraqiten për të punuar”, theksoi Thaçi.

Në emër të Komisionit partiak për shëndetësi ai e kritikoi punën e Spitalit klinik të Tetovës dhe Qendrës për shëndet publik.

“Drejtori i Spitalit klinik në konferencë pati sjellje joserioze. Ne si parti dhe kryetar dhe koleg jam i brengosur, nuk kemi informacione të mjaftueshme, nuk kemi dëgjuar se cili është Shtabi i krizës, cilët janë mjekët, cilët janë
specialistët. I bëjmë thirrje ministrit të Shëndetësisë ta vizitojë spitalin sepse është Qendër klinike universitare në Tetovë, në repartin për sëmundje infektive që të shihet sa krevate dhe shtretër ka, sa dhoma kemi të gatshme
për kujdes intensiv, sa respiratorë kemi për 270 mijë banorë në rajonin e Tetovës. Sipas informacioneve tona ka një respirator. Mendoj se kjo është shqetësuese”, ka thënë Thaçi.

Sipas tij, PDSH-ja ka potencial kadrovik të personave mjekësorë të cilët janë të gatshëm t’i ndërmarrin të gjitha përgjegjësitë derisa zgjatë situata e krijuar.

Lajme

Çfarë e kishte pyetur Goran Bregoviç kriminelin e luftës Radovan Karaxhiçin, kur e kishte takuar në një hotel?

Shkruan: Emin Azemi

Tani që po shkon në Korçë, i ftuar të merr pjesë në Festën e Birrës, atij mund t’i bëhen pyetje shtesë mbi takimin  me Karaxhiqin.

Nga ai mund të kërkohet edhe ndonjë sqarim shtesë mbi këngën “Kallashnjikov,  e cila u bë këngë e preferuar e çetnikëve të Vojislav Sheshelit e “tigrave” të Arkanit.

Kjo nuk është hera e parë që Bregoviqi do të dalë para publikut në Shqipëri. Ai kishte mbajtur koncert të madh në Tiranë në vitin 2014 kur edhe kishte marrë çmimin “Çelësi i Tiranës” në atë kohë nga Edi Rama i cili ishte kryetar i bashkisë.

Goran Bregoviqin nuk e kemi patjetër ta urrejmë që të tregojmë sa patriotë jemi (sepse jo pak shqiptarë i dëgjojnë këngët e tij dhe të Cecës së Arkanit), por e pakta që mund të bëjmë do të ishte që të mos e ftojmë në ndonjë event shqiptar.

Continue Reading

Kuriozitete

Angelov: Nuk kam frikë nga shkarkimi

Unë nuk kam frikë nga vdekja, dhe jo nga shkarkimi i Qeverisë, tha drejtori i Qendrës për Menaxhimin e Krizave Stojançe Angelov në një intervistë për “Sitel”.

Ai thotë se Qeveria vendos, dhe atij nuk i intereson.

“Unë do të pranoj çdo vendim. Nuk kam frikë nga vdekja, e jo më nga shkarkimi”, tha Angelov.

Ai tha se zjarri në Koçan ishte menaxhuar me sukses. Thotë se puna e tij është mosmirënjohëse dhe vuri në dukje se kur gjeneralët bëjnë luftë dhe mijëra njerëz vriten, atëherë ata marrin medalje ose përgjegjësi.

Angelov kohët e fundit tha se nëse përcaktohet përgjegjësia e tij, ai do të tërhiqet dhe do të largohet nga vendi./Telegrafi/

Continue Reading

Lajme

Arrestohen katër persona, dyshohen se shkaktuan zjarret në Maqedoninë e Veriut

Ministria e Punëve të Brendshme ka njoftuar se ka arrestuar një person, me iniciale Ll.A.(32) nga Republika e Shqipërisë i cili në mënyrë ilegale ka qëndruar në Maqedoninë e Veriut për shkak se ekziston dyshimi se i njëjti ka shkaktuar zjarr në fshatin Pozharan të Gostivarit.

Një tjetër person dyshohet për zjarrin në Staro Nagoriçan dhe kundër tij janë duke vepruar policët dhe prokurori publik.

Gjatë ditës së djeshme, siç thuhet në njoftim, dy persona janë arrestuar të cilët dyshohet se kanë shkaktuar zjarr para fshatit Bllacë drejt Katllanovës.

“MPB apelon që në mënyrë rigoroze të respektohet ndalesa për lëvizje në pyje, qytetarët maksimalisht t’u shmangen ndezjes së zjarreve, mbeturinave dhe mbetjeve nga të mbjellat, të mos hedhin cigare të pa ndezura dhe të mos hedhin shishe të qelqit dhe mjete të tjera të cilat pas ekspozimit për një kohë të gjatë në diell, mund të shkaktojnë zjarr”, thuhet në kumtesën e MPB-së.

Kanë përkujtuar se shkaktimi i zjarreve, qëllimshëm ose jo, paraqet vepër penale e cila sanksionohet me burg deri në 8 vjet./Telegrafi/

Continue Reading

Recent Posts

Më të lexuarat e javës

Shares