Neymar ka një kontratë deri në 2025, por në fund të këtij sezoni pritet që sulmuesi të dalë në “ankand”, pasi në garë për të siguruar shërbimet e tij janë futur shumë klube nga Premier League.
Sipas 90min: Liverpool, Man.City, Man.United, Chelsea dhe Newcastle janë të gatshëm të investojnë për të siguruar shërbimet e Neymar. PSG nuk kërkon më shumë se 60 milionë euro për kartonin e tij, por “beteja” do të bëhet kush ofron më shumë për lojtarin.
Bajerni do të “peshkojë” në javën e 23-të në Bundesligën gjermane Shtutgartin në transfertë, me qëllimin e vetëm, suksesin dhe mbajtjen e kreut. Përtej këtij faktori, Myler do të ketë shansin të barazojë rekordin e Oliver Kahn në aspektin e numrit të fitoreve në ligën vendëse.
33-vjeçari aktualisht pozicionohet në vendin e tretë në këtë renditje, e përkthyer me 309 suksese, 1 më pak se Kahn, i cili mban shkallën e dytë më të ulët të podiumit. Ndërsa “rekordmeni” i kësaj kategorie ndodhet në Mynih dhe është Nojeri.
Kapiteni i Bajernit ia ka dalët të korrë suksese në 322 raste përgjatë kuotës së 478 sfidave. “Plakushi” nga Mynihu po përjeton formë të mirë dhe realizimi i ndonjë goli të mundshëm do të ishte mënyra më e mirë për ta kurorëzuar arritjen brenda “familjes”, pasi edhe Kahn ka luajtur me bavarezët.
Kontrata e Hakan Çalhanoglusë me Interin skadon në qershorin e vitit të ardhshëm, por në Milanon zikaltër nuk duan t’i lënë asgjë rastësisë dhe kanë nisur tashmë tratativat për rinovimin e tij.
Palët kanë rënë dakord për kohëzgjatjen e akordit të ri mes tyre, një akord 4-vjeçar deri në 2027-ën që pritet të zyrtarizohet pas sfidës me Porton më 14 mars.
Me vullnetin e klubit dhe vetë lojtarit për të vazhduar bashkë, për të zbuluar ngelet vetëm shuma e rinovimit, pasi mesfushori pritet të ketë një rritje të ndjeshme në pagën prej 5 milionë eurosh që përfiton aktualisht, me pretendimin për të shkuar në 6 milionë euro, ashtu si liderët Barela e Lautaro.
Lacio triumfoi me rezultatin 0-1 ndaj Napolit, në duelin e zhvilluar në stadiumin “Diego Armando Maradona”, teksa raportohet se tifozët kryeqytetas kanë hedhur fishekzjarre dhe mjete shpërthyese në drejtim të mbështetësve të Napolit gjatë ndeshjes së vlefshme për xhiron e 25-të.
Mediat italiane bëjnë me dije se gjatë ndeshjes pati shumë shpërthime të forta fishekzjarrësh në drejtim të tifozëve të Napolit, ku një fëmijë e pësoi keq dhe u dërgua në spital pas lëndimeve të marra.
