Connect with us

Botë

Diskutohet në kuvend mardhënia Maqedoni Bullgari

Published

on

Një pjesë e politikanëve bullgarë kërkojnë veto të re për negociatat e Maqedonisë me BE-në, ndërsa përmendet edhe ndërprerja e marrëdhënieve diplomatike.

BTA njofton se sot para deputetëve bullgarë do t’i drejtohet ministri i Punëve të Jashtme Nikolaj Milkov. Propozimi për vendosjen e kësaj pike si pikë të tretë në seancën e sotme është me kërkesë të partisë “Rilindja”.

Ministri i Punëve të Jashtme të Bullgarisë, Nikollaj Milkov, dje në një takim në Bruksel i ka njoftuar kolegët e tij për sekretarin e rrahur të klubit bullgar në Ohër, Hristijan Pendikov dhe ka kërkuar nga ata solidaritet për këtë çështje.

“Kemi përshkallëzim tensioni dhe përshkallëzim presioni lidhur me të drejtat e komunitetit bullgar atje. Ata filluan me miratimin e veprimit legjislativ kundër komunitetit bullgar dhe të drejtës së tij të shoqërimit, i cili demonstroi konsensus midis pushtetarëve dhe opozitës mbi bazë antibullgare. Më pas erdhi djegia e klubit bullgar, për të cilin u shqiptua dënim me kusht. Kjo u pasua nga tre sulme ndaj klubeve të tjera dhe të shtëna në njërën prej tyre. Fajtorët nuk u gjetën kurrë”, tha ministri në detyrë, cituar nga BNR.

I pyetur nëse Bullgaria do ta shfrytëzojë sërish të drejtën e vetos për negociatat e Maqedonisë me BE-në, Milkov u përgjigj:

“Gjithçka varet nga mënyra se si shkojnë gjërat, në radhë të parë kjo gjë nuk është kurrë e fikur, megjithëse vetoja është si një armë atomike – fuqia e saj nuk duhet përdorur, por duhet të jetë si lloj mundësie për t’i bërë të tjerët të lënë vendin për të negociuar, për të arritur një lloj konsensusi të përgjithshëm. Shpresoj se nuk do ta përdorim”, tha shefi i diplomacisë bullgare.

Ambasadori bullgar në Maqedoni, Angel Angelov, dje është thirrur në konsultime në Sofje. Ministria e Punëve të Jashtme bullgare tha se arsyeja ishte “serioziteti i situatës në lidhje me të drejtat e bullgarëve” në këtë vend dhe “përshkallëzimi i krimeve të urrejtjes” në muajt e fundit.

Sipas mediave bullgare, ky është hapi i fundit para ndërprerjes së marrëdhënieve mes Maqedonisë dhe Bullgarisë.

Botë

Këto janë pajisjet që përdorin më shumë energji kur janë të fikur

Published

on

By

Një ekspert i kursimit të parave ka zbuluar se cilat pajisje përdorin më shumë energji kur janë të fikur.

Ne të gjithë po kërkojmë të kursejmë para ku të mundemi dhe të shkurtojmë përdorimin e energjisë sa më shumë që të jetë e mundur.

Fikja e pajisjeve që ju harxhojnë energjinë kur lihen në prizë mund t’ju kursejë para.

Ekspertët kanë paralajmëruar se lënia e sendeve të përditshme si kompjuterët dhe dritat e sigurisë ndezur mund  të shkaktojë rritje të kostove.

Ben Gallizzi  tregon pajisjet që mund të rrisin kostot edhe kur janë të fikur.

Ai tha: Ka një sërë pajisjesh rreth shtëpisë tuaj që mund të shtojnë faturat tuaja të energjisë. Kjo mund të përfshijë pajisjet e mbetura për t’u karikuar, si laptopët, tabletët dhe telefonat celularë, si dhe televizorët.

Continue Reading

Botë

Ekspertët paralajmërojnë përdoruesit e telefonave Samsung: Ky aplikacion lejon hakerat të marrin të dhënat personale

Published

on

By

Një paralajmërim është lëshuar për pronarët e pajisjeve Samsung Galaxy, duke i nxitur ata të kontrollojnë telefonat e tyre Android sa më shpejt.

Miliona përdoruesve të pajisjeve celulare u është bërë një thirrje për t’u siguruar nëse kanë instaluar në telefonat e tyre versionin më të fundit të “Galaxy App Store”.

Ekspertët kanë zbuluar një dobësi brenda këtij aplikacioni që mund të bëjë që hakerët të instalojnë softuer në telefonat e Samsung pa lejen e përdoruesve.

Ky vjen si paralajmërimi i fundit nga ekspertët e sigurisë, pasi ata thanë se hakerat që instalojnë këtë softuer në pajisje mund të vjedhin të dhëna personale, si emrat e përdoruesve dhe fjalëkalimet.

Kërcënimi u zbulua nga ekipi i NCC Group, i cili njoftoi Samsung për dobësinë në fund të vitit të kaluar

Continue Reading

Botë

Ali Ahmeti reagon për përfshirjen e Aleancës në qeveri

Published

on

By

Bisedime zhvillohen por jo për poste. Ky është qëndrimi i kreut të BDI-së Ali Ahmeti i pyetur nëse Aleanca për Shqiptarët është ftuar t’i bashkohet pushtetit. Ai këmbëngul se akoma nuk është biseduar për detajet duke mos theksuar se nga sa poste ministrore është i gatshëm të heqë dorë për t’i bërë vend partnerit të ri eventual.

“E gjithë kjo nuk ndodh për të shpëtuar qeverinë. E gjithë kjo nuk ndodh për të shpëtuar BDI-në. E gjithë kjo ndodh për procese, janë procese të rëndësishme. Janë procese që duhet të kontribuojmë që të gjithë.

Anëtarësimi në BE është rrugëdalja e vetme që të ndalim pakësimin e njerëzve në vend, njerëzit po na ikin, si t’i ndalim këta dhe si të krijojmë kushte për t’i kthyer ata që janë jashtë”, tha Ali Ahmeti, kryetar i BDI-së.

Gjatë ditëve të ardhshme pritet të intensifikohen takimet e partnerëve të koalicionit qeveritar për zgjerimin eventual. LSDM-ja tashmë ka dëgjuar qëndrimet e partive të koalicionit parazgjedhor si Lidhjes Demokratike, Ripërtëritjes Demokratike të Maqedonisë, Partisë Liberal Demokrate, etj. Pavle Trajanov vlerëson se parimi i përfaqësimit të drejtë etnik duhet të pasqyrohet edhe në përbërjen e kabinetit qeveritar.

“Përfaqësim i drejtë i të gjithë bashkësive etnike në qeveri dhe në të gjitha institucione e tjera… Unë angazhohem për këtë parim dhe nëse qeveria e re kompozohet në atë mënyrë do ta mbështes. Në të kundërtën, nuk jemi të gatshëm si parti të pranojmë shantazhe. Ajo parti e cila ka problem me grupin parlamentar duhet ta paguaj çmimin. Tani BDI-ja ka gjashtë vende ministrash, nëse duan partner të ri, duhet të heqë dorë nga dy ministri dhe ajo do të ishte në rregull”, u shpreh Pavle Trajanov, kryetar i Lidhjes Demokratike.

Aleanca për Shqiptarët do të formojë grup negociator i cili do t’i zhvillojë takimet me partitë në pushtet. Më pas, nga partia e Arben Taravarit do të drejtohen me referendum strukturave dhe degëve për të marrë vlerësimin e tyre për përfshirjen e mundshme në qeveri.

Aktualisht ka zëra se kjo parti mund të marrë tre pozita ministrash, disa zv.ministra dhe disa drejtori. /Alsat.mk

Continue Reading

 

Recent Posts

 

Më të lexuarat e javës

Shares