Pritet të hapet një linjë e dytë hetimi për transaksione të tjera të dyshimta në merkato të kryera nga Juventus-i, të cilat për rrjedhojë do të përfshinin klube të tjerë. Seanca e parë e këtij gjyqi të ri sportiv do të zhvillohet më 22 shkurt 2023 dhe mes skuadrave të përfshira duhet të jenë ato klube që kanë kryer shkëmbimet që i nënshtrohen hetimit të zakonshëm të drejtësisë me bardhezinjtë, përfshirë Milanin dhe Romën.

Psh, Leonardo Spinacola te verdhekuqtë dhe Luka Pelegrini te bardhezinjtë dhe Milani, për operacionin e dyshimtë që pa Leonardo Bonuçin të kthehej në Torino në këmbim të kartonit të Matia Kaldarës.

Ka klube të tjera të Serisë A që po dridhen për çështjen e fitimeve të supozuara fiktive kapitale. Rrethi i skuadrave që rrezikojnë të përfshihen në gjyqin e dytë sportiv për fitimet kapitale fiktive është shumë më i gjerë dhe ka të bëjë si me ekipet italiane ashtu edhe ato të huaja.

“Lajmi që mund t’iu them me siguri është se Antonio Konte do të largohet nga Totenhemi në fund të sezonit. nuk ka pasur asnjë shkëndijë, kontrata e tij do të skadojë dhe klubi nuk do të bëjë asnjë përpjekje për ta mbajtur”, u shpreh gazetari italian.

Prej kohësh përflitej se 53-vjeçari do të largohej nga Spërsat, por sipas asaj që thotë Di Marxio duket se nuk ka më asnjë vend për dyshime, me klubin anglez që duhet të nisë të kërkojë për një trajner të ri.

Një risi ka ndodhur në futbollin portugez, aty ku u luajt derbi i Lisbonës midis Benfikës dhe Sportingut në Kupë, ku gjyqtari nxori për herë të parë kartonin e bardhë, i cili është rregulli më i ri në Portugali.

Ndryshe nga i verdhi dhe i kuqi, kartoni i bardhë do të ketë një funksion krejt ndryshe në fushën e lojës, e cila i tregohet për të vlerësuar për “fair-play”.

Në fundin e pjesës së parë, dikush në stol është ndjerë keq dhe stafet e të dyja ekipeve shkuan për ta ndihmuar. Pas qetësimit të situatës gjyqtari i drejtoi kartonin e bardhë, me tifozët që e brohoritën këtë gjest.