Connect with us

Lajme

Këto janë dhjetë bosët më të pasur në futboll

Shumë nga pronarët më të pasur janë të njohur, pasi ata janë në krye të klubeve më të mëdha dhe më të suksesshme në botë.
Sidoqoftë, ka edhe një numër prej tyre që mund t’iu befasojnë në renditje.
Reddit ka përpiluar një listë me dhjetë pronarëve më të pasur për të parë se kush janë saktësisht pronarët më të mëdhenj të futbollit.

1) Sheikh Mansour – Manchester City
Shumë kush mund të mos befasohet se pronari i Manchester City, Sheikh Mansour është individi më i pasur në këtë sport.
Që nga blerja e klubit në vitin 2008 për rreth 210 milionë funte, zëvendëskryeministri i Emirateve të Bashkuara Arabe e ka shndërruar Man City në një superfuqi evropiane. Pasuria e tij vlerësohet rreth 20 miliardë funte.

2) Dietrich Mateschitz – RB Leipzig
Pronari i RB Leipzig, Dietrich Mateschitz, njihet si pronari i 49 për qind të aksioneve të ndërmarrjes që prodhon pijet energjike Red Bull.
Kjo sipërmarrje fitimprurëse i ka mundësuar atij që të bëhet një njeri jashtëzakonisht i fuqishëm edhe në Bundesliga me klubin e tij RB Leipzig. Pasuria e tij vlerësohet rreth 19 miliardë funte.

3) Andrea Agnelli – Juventus
Andrea Agnelli u bë anëtari i katërt i familjes së tij që mori drejtimin e Juventusit në vitin 2010, pasi në krye të ‘Zonjës së Vjetër’ ishin edhe babai, xhaxhai dhe gjyshi i tij.
Në dekadën që ai udhëhoqi, Juventusi ka fituar nëntë tituj të Serisë A radhazi, duke dominuar futbollin italian. Pasuria e familjes vlerësohet diku rreth 14 miliardë funte.

4) Dietmar Hopp – Hoffenheim
Pronari i Hoffenheim, Dietmar Hopp është një inxhinier dhe sipërmarrës gjerman i softuerit.
Vitin e kaluar u raportua se ai është personi i tetë më i pasur në Gjermani dhe i 72-ti në botë. Pasuria e tij vlerësohet rreth 13 miliardë funte.

5) Roman Abramovich – Chelsea
Pronari më i njohur në 20 vitet e fundit të futbollit anglez është padyshim është i pari i Chelseat, Roman Abramovich.
Abramovich mori drejtimin e Chelsea në vitin 2003 dhe brenda dy vjetësh kishte fituar titullin e tij të parë në Ligën Premier. Që atëherë, Blutë kanë ngritur katër tituj të tjerë dhe kanë fituar Ligën e Kampionëve dy herë. Pasuria e tij vlerësohet diku rreth 12 miliardë funte.

6) Philip Anschutz – LA Galaxy
Philip Anschutz është një biznesmen në fusha të ndryshme dhe aktualisht pronar i LA Galaxy.
Ai merret me energji, hekurudha, pasuri të paluajtshme, sporte, gazeta, filma, teatro, arena dhe muzikë. Ai është një nga anëtarët themelues të Major League Soccer. Aia ka aksione edhe te klubet tjera si Chicago Fire, Colorado Rapids, Houston Dynamo, San Jose Earthquakes, DC United dhe New York / New Jersey MetroStars.
Pasuria e tij vlerësohet diku rreth 10 miliardë funte.

7) Stan Kroenke – Arsenal
Një emër tjetër mjaft i zakonshëm në futbollin anglez. Stan Kroenke, 73 vjeç, është një biznesmen amerikan i cili ka rritur ngadalë kontrollin e tij mbi Gunners që kur u bë fillimisht drejtor në vitin 2008.
Tifozët nuk e duan shumë pasi ai nuk investon në klubi, ndërsa është aksionar edhe në klube si Los Angeles Rams në NFL, Denver Nuggets në NBA, Colorado Avalanche në NHL dhe Colorado Rapids në Major League Soccer. Pasuria e tij vlerësohet 9 miliardë funte.

8) Nasser Al-Khelaifi – Paris Saint-Germain
Pronari i PSG-së, Nasser Al-Khelaifi ka qene lojtar tenisi, por kurrë nuk ka fituar ndonjë titull të madh.
Që nga pensionimi në vitin 2004, Al-Khelaifi ka bërë emër një nga njerëzit më të fuqishëm në futbollin francez. Pasuria e tij vlerësohet 8 miliardë funte.

9) Zhang Jindong – Inter Milan
Shumë mund të mos kenë dëgjuar për Zhang Jindong, njeriun që ka drejtuar Interin në titullin e tyre të parë në Serie A pas 11 vitesh.
Jindong është i njohur si një nga themeluesit dhe aksionari aktual më i madh i faqes kineze Suning.com. Pasuria e tij vlerëohet 7.6 miliardë funte.

10) Robert Kraft – i New England
Robert Kraft është i famshëm pronar i Neë England Revolution, klub në MLS.
Skuadra përfundoi e teta në Konferencën Lindore të MLS në edicionin 2020-21. Pasuria e tij vlerësohet 6 miliardë funte.

Click to comment

You must be logged in to post a comment Login

Leave a Reply

Lajme

Nga nesër punon reparti për pasaporta! Në bazë të cilave kushte do të udhëtojnë atyre që ju ka skaduar afati?

Reparti i pasaportave nga nesër përsëri do të punojë pas përditësimit disa ditorë të softuerit. Me lirimin e masave është rritur edhe interesi për udhëtim te qytetarët. Nuk është i vogël numri i atyre që në moment të fundit kanë vërejtur se u ka skaduar afati i pasaportës, thonë nga MPB, duke pasur parasysh se më shumë se një vit nuk i kanë përdorur për shkak të pandemisë. Kështu që rreth 3 -4 mijë kërkesa ka në ditë dhe andaj do të punohet me orare të vazhduar, në dy nderime dhe gjatë fundjavës. Për shkak të numrit të madh të mërgimtarëve të cilët për shkak të pandemisë nuk kanë mundur të vazhdojnë pasaportat, Parlamenti solli vendim me të cilin vazhdohet afati i pasaportave dhe ky vendim hyn në fuqi nga 1 korriku dhe do të zgjasë deri më 31 dhjetor të këtij viti.

“Qytetarët e Maqedonisë pa marrë parasysh a kanë pasaportë bullgare apo tjetër, duhet të largohen nga vendi ynë me pasaportë maqedonase, pa marrë parasysh nëse u ka skaduar afati, hyrja do ju lejohet, por për dalje ju nevojitet pasaportë e vlefshme”, deklaroi Toni Angellovski – zëdhënës i MPB-së./lajmpress.org

Continue Reading

Kosovë

“Gratë e Kosovës” me Dakën, kundër presidentes Osmani

Rrjeti i Grave të Kosovës e kanë kundërshtuar vendimin e presidentes Vjosa Osmani, për shkarkimin e Valdete Dakës nga pozita e kryesueses së Komisionit Qendror Zgjedhor.Përmes një reagimi thuhet se arsyet e dhëna për shkarkimin e saj nuk qëndrojnë dhe për më tepër thuhet se Dakës iu mveshen disa përgjegjësi që nuk janë të sajat apo vetëm të sajat.“Rrjeti i Grave të Kosovës (RrGK) përmes këtij reagimi bashkohet me organizatat e tjera të shoqërisë civile për ta kundërshtuar vendimin e djeshëm të Presidentes së Republikës së Kosovës, Vjosa Osmani-Sadriu për shkarkimin e Kryetares së Komisionit Qendror të Zgjedhjeve (KQZ), Valdete Daka. Arsyet e dhëna për shkarkimin e Dakës nuk qëndrojnë, e për më tepër mveshin atë me disa përgjegjësi që nuk janë të sajat, apo vetëm të sajat.

KQZ është organ i pavarur kushtetues dhe Kryetarja Daka është vetëm një nga njëmbëdhjetë anëtarët me të drejtë vote. Ndër arsyet e shkarkimit figurojnë edhe shkelja e të dhënave personale, si dhe problemet me listat e votuesve. Asnjëra nga këto të dyja nuk bien nën përgjegjësinë e Kryetares së KQZ-së, njëra është në fushëveprimtarinë e Agjencisë për Informim dhe Privatësi, kurse tjetra është përgjegjësi e Agjencionit për Regjistrim Civil në Ministrinë e Punëve të Brendshme”, thuhet në reagim.Mes tjerash, në komunikatë më tej thuhet se kjo përveç që do të ndikojë në punën e pavarur të KQZ-zë mund të ndikojë edhe në mbarëvajtjen e zgjedhjeve lokale që do të mbahen në tetor të këtij viti.“Po ashtu, sjellim ndërmend se ky vendim i Presidentes Osmani vie në prag të shpalljes së datës së zgjedhjeve lokale që do të mbahen në tetor të këtij viti, dhe përveç që konsiderohet ndikim në punën e pavarur të KQZ-së, mund edhe të ndikojë në organizimin e mbarëvajtjen e këtyre zgjedhjeve. Gjithashtu, kujtojmë se para mbajtjes së zgjedhjeve të parakohshme nacionale të shkurtit të vitit 2021, RrGK përmes një kumtese për media, bëri thirrje që ky proces të zhvillohej brenda rregullave kushtetuese, frymës demokratike dhe çdo mospajtim të adresohej përmes rrugëve institucionale.

Këtë thirrje po e përsërisim edhe sot, dhe atë jo vetëm për partitë politike, por për çdo figurë institucionale që mbi supe bart përgjegjësinë e përfaqësimit të unitetit të popullit, siç është roli i Presidentes së Kosovës. Gjersa jemi dëshmitarë të fuqizimit politik të grave në shoqërinë kosovare, RrGK do të vazhdojë përpjekjet e kahmotshme drejt rritjes së pjesëmarrjes së grave në politikë dhe vendimmarrje, si dhe do të kërkojë llogaridhënie për vendimet që prekin themelet demokratike mbi të cilat jemi duke e ndërtuar shoqërinë e shtetin tonë”.
Shperndaje

Continue Reading

Lajme

Gjyqi për organizatorët e “27 Prillit”, drejt fundit

Gjykimi për porositësit e ngjarjeve të përgjakshme të 27 prillit është drejt përfundimit. Sot në Gjykatën Penale janë paraqitur provat e fundit nga pala mbrojtëse. Për më 1 korrik janë caktuar fjalët përmbyllëse të Prokurorisë kurse mbrojtja fjalën përmbyllëse do ta thotë në seancat e 6 dhe 12 korrikut. Pas kësaj, Penalja mund të caktojë dhe ta shpall aktgjykimin. Në procesin e dytë për hyrjen në Kuvend gjykohen ish kryetari i Kuvendit, Trajko Veljanovski, ish ministrat Mile Janakieski dhe Spiro Ristovski dhe ish drejtori i DSK-së, Vlladimir Atanasovski./Alsat

Continue Reading

Recent Posts

 

Më të lexuarat e javës

Shares