Connect with us

Kosovë

Osmani dekoron post-mortem mjeket e vdekur nga COVID-19

Përderisa shumica i mbijetuan këtij virusi të rrezikshëm dhe menjëherë u kthyen në shërbim të pacientëve, disa prej tyre, për fat të keq, humbën jetën në këtë përballje. Kontributi i tyre, duke dhënë edhe jetën vetëm e vetëm për t’i shërbyer pacientëve të tyre, duke respektuar betimin e Hipokratit deri në frymën e fundit, meriton të nderohet nga të gjithë ne.

Prandaj, në përputhje me përgjegjësitë e mia kushtetuese, kam vendosur që të dekorojë, post mortem, me Medaljen Presidenciale të Meritave, punonjësit shëndetësor të cilët derisa aktivisht po ofronin shërbime shëndetësore, u infektuan me Covid-19 gjatë pandemisë, dhe humbën jetën e tyre nga ky infeksion”, ka shkruar Osmani në Facebook.

Ajo ka thënë se ceremoninë e ndarjes së dekoratave do ta organizojnë së shpejti në Presidencë, në prani të familjarëve.

“Ndërkaq lista e të dekoruarve do të përditësohet konform informatave që i marrim nga institucionet përgjegjëse”./Telegrafi/

Click to comment

You must be logged in to post a comment Login

Leave a Reply

Kosovë

Valdete Daka certifikon kandidatin për deputet të PDK që u dënua në vitin 2020

Në një mbledhje të mbajtur nga ana e KQZ-së (22.01.2021) janë certifikuar partitë politike të cilat do të marrin pjesë në zgjedhjet e 14 Shkurtit 2021.

Edhe pse Zyra Ligjore për Certifikimin e Partive Politike kishte rekomanduar që të gjitha partitë të certifikohen bashkë me kandidatët e tyre, kryetarja e KQZ-së, Valdete Daka, bashkë me anëtarët e PDK-së dhe LDK-së në KQZ, kanë vepruar në mënyrë të paprecedentë duke mos i certifikuar Lëvizjen Vetëvendosje, AAK-në dhe Nismen.

Është hera e parë në historikun e zgjedhjeve në Kosovë që partitë nuk certifikohen për të marrë pjesë në zgjedhje, kjo me arsyetimin se në listat e këtyre subjekteve ka emra të cilët janë të dënuar për vepra penale në tre vitet e fundit.

Mirëpo, Valdete Dakës nuk i ka penguar fare një emër në listën e kandidatëve për deputet të PDK-së, i cili është dënuar para dy muajsh për mosdeklarim të pasurisë.

Bëhet fjalë për Lulzim Abazin, këshilltar i PDK-së në Asamblenë Komunale në Ferizaj, i cili është shpallur fajtor nga Gjykata në Ferizaj, në dhjetor të vitit 2020.

Abazi i cili akuzohej për mosdeklarim të pasurisë është dënuar me 500 euro gjobë dhe gjashtë muaj burg me kusht.

Aktgjykimi dënues ndaj tij është shqiptuar pasi i akuzuari fillimisht e ka pranuar veprën penale me të cilën ngarkohej, duke thënë se veprën e kishte kryer nga pakujdesia.

Lulzim Abazi është kandidat për deputet nga rradhët e PDK-së dhe në listë mbanë numrin 108.

Kryetarja e KQZ-së, Valdete Daka, ka ngritur dorën për të votuar për certifikimin e kandidatëve të PDK-së, me ç’rast ka certifikuar edhe kandidatin Lulzim Abazi i dënuar me kusht për veprën penale mosdeklarim i pasurisë.

Kurse, ka vendosur që të mos certifikoj deputetin më të votuar në legjislaturën e fundit, ish-kryeministrin Albin Kurti, i cili ishte dënuar edhe ky me kusht, për veprën penale të hedhjes së gazit lotësjellës, me ç’rast si rezultat i veprimit të tij ishte ndalur Asociacioni i Komunave me Shumicë Serbe ndryshe Zajednica që shkelte në 23 nene Kushtetutën e Kosovës.

Pra, Albin Kurtit nuk iu lejua të kandidohet sepse kishte mbrojtur kushtetutën e vendit.

Gjithashtu, PDK ka hequr nga lista kandidatin për deputet Argjent Tasholli i cili ishte i dënuar për rrahje, megjithatë kishte heshtur për kandidatin tjetër Lulzim Abazi, i dënuar për veprën penale të mosdeklarimit të pasurisë. Ndërkaq kishte votuar për mos certifikim të listës së kandidatëve të Lëvizjes Vetëvendosje dhe subjekteve tjera. /meKryeministrin.info

Continue Reading

Kosovë

Hoxhaj: Ramushi na prishi me Evropën, Albini me Amerikën

Kandidati i Partisë Demokratike të Kosovës për kryeministër Enver Hoxhaj, ka prezantuar sot planin e rimëkëmbjes për shëndetësi në Komunën e Gjilanit.

Ai ka takuar pensionistët e kësaj komune, ku ka theksuar se gjatë mandatit të tij do të ketë rritje të pensioneve në bazë të kategorive, duke filluar nga 30 përqind.

Hoxhaj nga Gjilani ka shtuar se ai do të jetë kryeministër i Kosovës, pasi që vendi ka nevojë për një kryeministër që i ruan marrëdhëniet me të gjitha shtetet mike.

“Ne nuk mundemi më me pas kryeministra ku njëri merr në thua dhe na prish me Evropën qysh na pati prishur Ramush Haradinaj. Ia merrte mendja që mund të shtyhet me Angela Merkel dhe me Macron dhe i la të rinjtë, të rejat e Gjilanit dhe krejt qytetarët e Kosovës pa viza. Apo Albini i cili na prishi me Amerikën. Ne nuk jemi, as Kinë, as Rusia, as Gjermania, e cila mund të bartë këtë barrë. Neve na duhet një politikë e mençur, neve na duhet t’i ruajmë arritjet që i kemi arritur deri tash bashkë”, ka theksuar ai në Gjilan.

Para pensionistëve, Hoxhaj ka prezantuar planin që gjatë qeverisjes së tij do të ketë rritje të pensioneve. E kjo rritje sipas tij, nuk është premtim i fushatës, por është zotim i tij.

“Në emër të qeverisë që do ta udhëheqë unë do të ketë rritje të pensioneve 30 deri në 40 përqind varësisht prej kategorisë, ata të cilët janë pensionistë kontributdhënës do ta kenë shumën që do ta marrin, ata të cilët janë pensione të cilët nuk kanë dhënë kontribut po janë në skenën pensionale. Po prej 30 deri në 40 përqind dhe do të jetë një rritje kështu e mirëfilltë. Ky nuk është ndonjë premtim zgjedhor por zotim”, ka paralajmëruar Hoxhaj.

Planin për rimëkëmbje të shëndetësisë para pensionistëve gjilanas e ka prezantuar sekretari i PDK-së, Uran Ismaili.

Ai ka thënë se gjatë qeverisjes së PDK-së pensionistët do të kenë trajtim dinjitoz, derisa ka prezantuar se në planin e tyre përfshihet sigurimi shëndetësor dhe barna falas, mjek për çdo familje dhe sistem shëndetësor modern.

“Ne kemi parapa në programin tonë që këto barna të jenë falas që tre muajt e parë, lista e barnave falas do t’iu shkojë të gjitha barnatoreve të Kosovës dhe në të gjitha barnatoret e Kosovës qytetarët të jenë në gjendje t’i marrin barnat pa para vetëm me letërnjoftim të Kosovës. Nëse e ka recetën prej mjekut edhe letërnjoftimin e Kosovës ato barna do t’i marr pa para secili qytetar”, ka shtuar ai.

Hoxhaj gjatë ditës në Gjilan do të zhvillojë takim edhe me të rinjtë e kësaj komune. /Telegrafi/

Continue Reading

Kosovë

Hoti: Do të kujdesemi që VV-ja të mos vijë kurrë në pushtet

Kandidati për kryeministër i Lidhjes Demokratike të Kosovës, Avdullah Hoti, ka thënë se “Lëvizja Vetëvendosje është duke u çmendur vetëm pse ka parë një imazh të mundësisë për të dalë në pushtet”.

Në një takim të LDK-së në Pejë, Hoti ka thënë se “do të kujdesemi që kurrë të mos i lëmë të vijnë në pushtet”.

Duke folur për marrëveshjen e Washingtonit, Hoti ka thënë se të tjerët janë munduar ta degradojnë.

“Të tjerët e kanë ëndërr atë sepse s’flet askush me ta, sepse ata diskomunikohen sepse mundohen ta cenojnë rendin demokratik në vend. Veç janë duke e pa një imazh të mundësisë pushtet, dhe s’kanë për ta parë, ju garantoj. Veç me atë imazh që u del para syve natën, të mundësisë për pushtet, i kanë rënë në qaf KQZ-së si institucion i pavarur e duan të çmenden, e kërcënojnë, shantazhojnë e s’lënë gjë pa bë. S’e meritojnë të vijnë këta në pushtet. Kurrë asnjëherë. Edhe ne kemi me u kujdes që këta të mos vijnë në pushtet”, ka thënë ai.

Ka thënë se qytetarët në zgjedhjet e 14 shkurtit “nuk do të votojnë sikur me ‘like’, por me zemër e me mendje”.

Hoti dhe partia e tij, LDK, ishin në bashkëqeverisje me Vetëvendosjen, deri në qershor kur LDK-ja vendosi ta rrëzonte Albin Kurtin nga pushteti për të formuar vetë qeverinë.

Me kërkesën e VV-së në Gjykatën Kushtetuese për kushtetutshmërinë e votës së deputetit Etem Arifi, të dënuar me burgim, Kushtetuesja vendosi për të rrëzuar Qeverinë Hoti duke çuar vendin në zgjedhje. Në aktgjykim ajo shtoi se u ndalohet kandidimi personave të dënuar për vepër penale në tri vitet e fundit. E si pasojë e kësaj pike, të premten Komisioni Qendror i Zgjedhjeve nuk certifikoi listën e kandidatëve të VV-së me Kurtin në krye. Vetëvendosje sot pritet të ankohet ndaj vendimit.

Continue Reading

Recent Posts