Connect with us

Kosovë

Çun Lajçi godet Ramush Haradinajn: Tash e mora vesh pse u fal Çakorri

Aktori Qun Lajçi ka reaguar pas ka reaguar pas lajmeve për privatizimet e tokave me çmime prej 1 deri në 3 euro. Lajçi ka drejtuar akuza në adresë të Ramush Haradinajt, duke thënë se tash e ka kuptuar pse u fal Çakorri.

Përmes një postimi në llogarinë e tij në Facebook, Lajçi ka thënë se ka qenë naiv, kur para një viti në roje e një fabrike i kishte thënë se nga Gllogjani e deri në Gjakovë, është e Daut Haradinajt dhe ky i kishte thënë rojës që të mos bënte propagandë.

“Tash kur u muer vesh se kush bleu nga 200 hektar tokë, me vetëm 1 euro arin, tash e mora vesh edhe unë pse u fal Çakorri!
Sa naiv kisha pasë qenë more Zot i madh!”, ka shkruar ai.

Postimi i plotë:
Eh
Tash kur u muer vesh se kush bleu nga 200 hektar tokë, me vetëm 1 euro arin, tash e mora vesh edhe unë pse u fal Çakorri!
Sa naiv kisha pasë qenë more Zot i madh!
Po mua para dy vitësh të “Ereniku”, fabrika e langjeve n’Gjakovë, roja m’tha a po don qumësht dhije?
Ku i ke dhitë e pyeta?
Mbrapa fabrikës, n’tokën e Dautit. Prej Gllogjanit deri këtu asht e tija dhe e Nasimit.
Mos ba propagandë i thashë dhe u çova!
– Prandaj menzi po pres me botua librin e ri, vazhdimin e “Bastardëve” “Shitsi i librave me vath t’verdhë”
Se u del tymi n’tana anë patriotave që e shliruen vendin për me ble tokën për nji pare!!

Click to comment

You must be logged in to post a comment Login

Leave a Reply

Kosovë

Kush është ushtari i UÇK-së që arriti t’ia merrte nga dora armën serbit në Prishtinë

Në qershor të vitit 1999, në qendër të Prishtinës, kishte ndodhur një incident i jashtëzakonshëm ku tre serbë donin ta ekzekutonin një shqiptar.

Pas hyrjes së forcave të NATO-së në Kosovë në qershorin e vitit 1999 ende kishin mbetur mbeturina të paramilitarëve serb qe ëndërronin te vazhdojnë qëndrimin e tyre ne Kosovën e lirë.

Ngjarja që shihni në këtë video ka të bëj me Haxhë Balidemaj, pjesëtar i batalonit Atlantiku të UÇK-së, batalion i përberë nga diaspora e shqiptare e Amerikës.

Në ballafaqim e sipër shihet në video se si në prezencë te ushtarëve te KFOR-it, serbi i armatosur me automatik, Haxha arrin ta çarmatos atë dhe vërehet qartë se si qyqar serb ik i tmerruar.

Videoja ka arritur gati 300 mijë shikime

Haxhe Balidemaj është një aktivist i dalluar ne diasporën shqiptare te SHBA-ve por edhe një biznesmenë i suksesshëm si këtu e po ashtu edhe ne atdhe. Kur Kosova kishte nevojë shumë për bijtë e vet Haxhe Balidemaj la çdo gjë për te i dal zot atdheut sepse alternativ tjetër nuk kishte “O sot o kurrë”.

Continue Reading

Kosovë

Arrestohet kreu i Vetëvendosjes në Shqipëri, sepse protestoi kundër ministrit grek

Drejtuesi i Lëvizjes Vetëvendosje në Shqipëri, Boiken Abazi është arrestuar pak më parë nga policia në Tiranë.

Sipas “Vetëvendosjes”, Abazi u arrestua duke shkuar në protestën kundër vizitës së ministrit të Jashtëm të Greqisë, Nikos Dendias në Tiranë.

Arrestimin e Abazit, LVV e ka cilësuar si të porositur.

“Aktivisti dhe drejtuesi i Qendrës së Lëvizjes VETËVENDOSJE! në Shqipëri, Boiken Abazi, është arrestuar nga policia, në rrugë e sipër teksa po shkonte për të marrë pjesë në tubimin paqësor protestues pranë Ministrisë së Punëve të Jashtme. Ky arrestim është tipikisht i porositur. Arrestimi u krye para se të fillonte tubimi, madje para se Boiken Abazi të mbërrinte në vendin e lajmëruar për tubimin”, thuhet në njoftimin e LVV-së.

Vetëvendosje ka bërë të ditur se ky tubim ka të bëjë me vizitën e ministrit të jashtëm grek në Tiranë dhe se kjo protestë është organizuar nga Shoqata “Çamëria”.

“Tubimi paqësor protestues i organizuar nga Shoqata “Çamëria” dhe PDIU me rastin e vizitës së ministrit të jashtëm grek në Tiranë synon shtrimin e kërkesave në lidhje me zgjidhjen e çështjes shqiptare të Çamërisë, heqjen e ligjit të luftës dhe delimitimin e drejtë të kufive detarë. Shënjestrimi i Lëvizjes VETËVENDOSJE! dhe i Boiken Abazit tregon për një politikë të fëlliqur që po bën qeveria Rama, duke dashur të ofrojë një dhuratë të dhunshme ndaj vizitorit grek”, thuhet në njoftim

LVV-së ka bërë thirrje që drejtuesi i qendrës së tyre në Tiranë të lirohet.

“Lëvizja VETËVENDOSJE! është për miqësinë e bashkëpunimin mes popujve, për të drejta evropiane për minoritetet, por mbi të gjitha për shtete të drejta e jo diskriminuese. Për sa kohë shteti grek vazhdon politika diskriminuese e armiqësore ndaj shqiptarëve, ne do të vazhdojmë ta themi të vërtetën, edhe duke protestuar, e Rama nuk mund të na ndalë me arrestime të shënjestruara. Bëjmë thirrje të lirohet Boiken Abazi një orë e më parë, e të dënohen urdhërdhënësit për përndjekjen politike e shënjestrimin që po na bëjnë!”, thuhet në njoftim. /abcnews.al

Continue Reading

Kosovë

Kosova kushtëzon marrëveshjen finale me çështjen e të pagjeturve

Pa kapitullin për zbardhjen e fatit të personave të zhdukur gjatë luftës në Kosovë, nuk mundet dhe nuk do të ketë marrëveshje përfundimtare me Serbinë, kanë deklaruar zyrtarët e Komisionit Qeveritar për Personat e Pagjetur në Kosovë.

Deklaratat e tilla janë bërë gjatë mbledhjes të së hënës të këtij Komisioni.

Por, përfaqësues të Fondit për të Drejtën Humanitare si dhe të shoqatës “Zëri i prindërve”, qendër kjo e familjarëve të personave të pagjetur në Kosovë, kanë ngritur dyshimin se a do të zgjidhet fati i personave të pagjetur në rast se nuk do të arrihet marrëveshja përfundimtare ndërmjet Kosovës dhe Serbisë.

Sipas deklaratave të palëve në dialogun në Bruksel, çështja e të pagjeturve është njëra prej pikave për të cilën është arritur harmonizimi i qëndrimeve.

Por, pa një marrëveshje përfundimtare nuk mund të zbatohet asnjë pikë, veç e veç, për të cilat pajtohen palët, ka deklaruar për Radion Evropa e Lirë, Kushtrim Gara, udhëheqës i njësisë në kuadër të Komisionit Qeveritar për Personat e Pagjetur.

“Përkundër pajtimeve, megjithatë është thënë që nuk do të ketë marrëveshje për tema specifike pa u arritur marrëveshja në tërësi”, ka thënë Gara.

Të njëjtën gjë e ka thënë më herët edhe kryeministri i Kosovës, Avdullah Hoti, më 12 tetor, në Kuvendin e Kosovës, në interpelancën lidhur me rrjedhën e deritashme të procesit të dialogut me Serbinë, të ndërmjetësuar nga Bashkimi Evropian. Hoti theksoi se “çdo dakordim, për cilado elemente të marrëveshjes, është dakordim vetëm parimor, sepse nuk ka pajtim për asgjë përderisa nuk ka pajtim për çdo gjë, përkatësisht përderisa nuk ka pajtim për njohje reciproke”.

Continue Reading

Recent Posts