Connect with us

Lajme

Pendarovski: Sektori joqeveritar duhet ta ndjekë më me vigjilencë dhe ta kritikojë punën e politikanëve

Presidenti Stevo Pendarovski sot mori pjesë në Forumin e tretë nacional të organizatave qytetare, në organizim të Civika mobilitas, program i Ambasadës zvicerane për mbështetje të shoqërisë civile, zbatuar nga NIRAS (Danimarkë) dhe QMBN.

Duke cekur se është i nderuar që është në mesin e aktivistëve shumëvjeçarë qytetarë të cilët udhëhiqen nga vizioni për shoqëri të lirë, të drejtë dhe inkluzive, të bazuar në zhvillim demokratik, barazi, sundim të së drejtës dhe bashkëjetesës, presidenti Pendarovski në fjalimin e tij hyrës foli për tre tema, përkatësisht depolarizim, shoqëri të hapur dhe të rinjtë.

Në atë drejtim, presidenti Pendarovski theksoi se tashmë një kohë të gjatë shoqëria e Maqedonisë së Veriut është mjaft e polarizuar, në pothuajse çdo bazë – ndëretnike, brendaetnike, politike, ideologjike dhe ekonomike.

“Gjithnjë e më tepër fokusohemi në atë që na ndan, e më pas si ta anashkalojmë atë që na lidhë dhe që na mban së bashku. Debati politik u reduktua në degradim të kundërshtarit politik. Madje edhe gjatë punësimit, gjithnjë e më tepër dëgjojmë se përparësi i jepet përkatësisë partiake apo etnike të kandidatëve. në vend të karakterit të tyre, arsimit dhe shkathtësive. Kjo plotësisht e përshpejton ikjen e të rinjve, njerëzve me kualifikim të lartë”, nënvizoi presidenti Pendarovski.

Nëse dëshirojmë ta depolarizojmë shoqërinë e Maqedonisë së Veriut, shtoi Pendarovski, duhet të fokusohemi në disa çështje kyçe, përkatësisht sundimin e së drejtës, përgjegjësi më të madhe politike dhe depolitizim të shoqërisë dhe deetnizim të politikës.

Duke folur për temën për shoqëri të hapur, ai theksoi se shoqëria në të cilën tolerohet urrejtja ndaj cilës do bashkësi, ndaj cilit do individ, e humbë kredibilitetin moral.

“Institucionet e shtetit duhet të gjejnë mënyrë jo vetëm me kujdes t’i dëgjojnë të rinjtë, por edhe t’i kyçin ata në krijimin e politikave dhe sjelljen e vendimeve. Kjo duhet të bëhet përmes dialogut të hapur për atë se çfarë shoqërie dëshirojmë të ndërtojmë jo për ne, por për nipat tanë”, konkludoi presidenti Pendarovski.

Në fokus të çështjeve të organizatave qytetare ishin temat për pandëshkueshmëri të korrupsionit të lartë, vetingut të gjykatësve dhe pastrimit të gjyqësisë për çka Pendarovski tha se është e domosdoshme secili institucion të punojë në mënyrë transparente. Duke folur për këtë temë, siç tha ai, shteti ynë ka legjislaturë solide ligjore, por se është selektues implementimi i ligjeve.

Mes pyetjeve të organizatave qytetare, pati edhe për numrin e madh në administratën publike, që paraqet ngarkesë për buxhetin shtetëror. Në këtë kontekst, presidenti tha se është skeptik sepse do të ulet numri prej rreth 140 mijë të punësuar në administratë.

Lidhur me fillimin e shumëpritur të negociatave me Bashkimin Evropian, organizatat qytetare kërkuan përgjigje nga presidenti Pendarovski lidhur me përbërjen e ekipeve dhe konsensusin politik rreth kësaj ngjarje.

Duke folur për gjendjen e romëve, personave me pengesa, për çështjet gjinore, presidenti Pendarovski theksoi se secili individ, secili institucion mund të kontribuojë me shembullin e vet.

Duke e adresuar problemin e rregullimit të portaleve të internetit, organizatat të cilat punojnë në fushën e mediumeve dhe lirive mediale e pyetën presidentin Pendarovski për modalitetet e mundshme për vetërregullim të mediumeve.

“Mos pritni. Nëse nuk vetërregulloheni, dikush tjetër do t’ju rregullojë dhe nuk do të keni të drejtë të shpreheni lirshëm. Mos lejoni që shteti t’ju rregullojë”, i porositi presidenti Pendarovski.

Lidhur me rëndësinë e organizatave qytetare dhe rolin e tyre në shoqëri, Pendarovski tha se do të donte të shohë aktivizëm më të madh nga ana e tyre. Meqenëse, siç shtoi, ka ndjenjë se në disa vitet e fundit sikur të shpërthejë intensiteti i punës së sektorit joqeveritar. Pres, potencoi shefi i shtetit, më shumë dhe më shpesh ta kritikoni punën tonë.

Përndryshe, në forumin nacional, çdo vit, organizatat qytetare takohen me përfaqësues të institucioneve shtetërore dhe diskutojnë për përvojat e deritanishme dhe mundësitë për bashkëpunim për çështjet e interesit të ndërsjelltë.

Click to comment

You must be logged in to post a comment Login

Leave a Reply

Lajme

Raporti javor i ISHP-së: Numri i të infektuarve është rritur për 19%, i të vdekurve për 58%

Të rinjtë po infektohen më shumë, përqindja e vdekshmërisë është më e lartë tek më të moshuarit

Numri i të infektuarve me koronavirus javën e kaluar (nga 12 deri 18 tetor) është rritur për 19.3 për qind, krahasuar me javën e kaluar, thuhet në raportin e Institutit për Shëndet Publik.

Rastet e reja pozitive janë nga 34 qytete, numri më i madh i tyre nga Shkupi.

Sa i përket numri të rasteve pozitive në krahasim me testimet e realizuara, përqindja është 20.3% krahasuar me javën e kaluar ku shënonte 17.2 për qind.

Të infektuarit janë të moshave të ndryshme, numri më i madh i tyre-20.9 për qind janë mes moshës 30 deri 39 vjeç, vijon grupmosha 40 deri 49 vjeç (19.5%), nga 20 në 29 vjet (17.6%), mbi 60 vjet (17.5%) dhe nga 50-59 vjet (16.6%). Numri më i ulët i të infektuarve është tek fëmijët nga 0 deri në 9 vjeç (3.0%).

Javën e kaluar janë regjistruar 49 viktima si pasojë e Covid-19 në gjithsej 16 qytete, që paraqet një rritje prej 58.1% krahasuar me javën e kaluar, kur kishte 31 viktima në 15 qytete.

Sa i përket moshës, 38 viktima kanë qenë mbi moshën 60 vjeçe, 9 viktima kanë qenë mes moshës 50-59 vjeçe, ndërsa dy viktima janë të grupmoshës 40 -49 vjeçe. 35 viktima kanë pasur sëmundje të tjera kronike.

Si janë infektuar

Anketat epidemiologjike tregojnë se nga numri i përgjithshëm i rasteve të reja, 470 (35.9%) janë infektuar përmes kontaktit të që kanë pasur me ndonjë rast tashmë të konfirmuar, ndërsa 26 (2.0%) janë infektuar pasi kanë udhëtuar jashtë shtetit brenda 14 ditëve të fundit.

Nga 12 deri më 18 tetor janë testuar gjithsej 13,213 persona, ndërsa janë regjistruar 2.676 raste të reja.

Continue Reading

Lajme

MASH: Notimi i nxënësve edhe me prani fizike, deri më 20 nëntor!

Twitter

Deri më 20 nëntor nxënësit duhet të marrin notat e para lidhur me suksesin e arritur nga mësimi online, ka bërë të ditur Ministria e Arsimit duke përshkruar mënyrën e re të vlerësimit të vendosur për shkak të krizës me Covid-19.

Vlerësimi mund të kombinohet, nga distancë dhe takime fizike me nxënës, duke respektuar masat për mbrojtjen kundër covid-19.

“Organizimi i takimeve, orëve me prani fizike në klasë, për të inkurajuar nxënësit, për të kontrolluar atë që është arritur dhe për të vlerësuar njohuritë e tyre në shkollë, ka për qëllim: Plotësimin e boshllëqeve gjatë mësimit, inkurajimin e të mësuarit shtesë / të thelluar, kujdesin për zhvillimin shoqëror dhe emocional të nxënësit, duke vlerësuar aftësitë praktike që është e vështirë të demonstrohen në klasë virtuale”, thuhet në udhëzimet për mësimdhënësit lidhur me vlerësimin e nxënësve.

Sipas udhëzimit për mësimdhënësit, takimet me nxënësit duhet të zgjasin nga 20 deri në 30 minuta dhe në to mund të marrin pjesë deri në 10 nxënës.

“Kjo qasje lejon që mësimdhënësit t’i kushtojë vëmendje të mjaftueshme secilit nxënës dhe të njihet me vështirësitë apo sfidat me të cilat përballet në arritjen e rezultateve të parashikuara me programet mësimore”, thuhet në udhëzimet për mësimdhënësit.

Ministria e Arsimit dhe Shkencës dhe Byroja për Zhvillimin e Arsimit, në një deklaratë për media, u bëjnë thirrje mësimdhënësve që të harmonizojnë vlerësimin e nxënësve bazuar në mësimin nga distanca dhe të theksojnë se mësimdhënësit mund të bëjë një tabelë të provave / prodhimeve që nxënësi do ti dërgojë si pjesë e portofolit elektronik që do të vlerësohet.

“Është e nevojshme të vendosen udhëzime të qarta në lidhje me rezultatet e pritura nga mësimi si dhe mënyra e ndjekjes, kontrollimit dhe vlerësimit të arritjeve të nxënësve në këtë periudhë. Gjatë formimit të vlerësimit duhet të jepen detyra autentike që eliminojnë mundësinë e përgjigjeve të gatshme nga materialet mësimore, ose nga burime të tjera të informacionit, si dhe të sigurohet kontroll mbi kohën për zgjidhjen e detyrave. Kriteret e vlerësimit dhe afatet e dorëzimit të tyre duhet t’u komunikohen qartë studentëve dhe prindërve”, thuhet në njoftimin e Ministrisë së Arsimit.

Dikasteri i arsimit thekson se Ministria thekson se të mësuarit në një klasë virtuale është një sfidë, por thonë se gjithashtu ofron një mundësi për të bërë një hap përpara në vlerësim dhe për të vendosur praktika që mund të përmirësojnë më tej procesin arsimor./Alsat

Continue Reading

Lajme

Zaev: Ejup Rrustemi do të jetë drejtor i NP Rrugët shtetërore

Drejtori i deritanishëm i Postës së Maqedonisë Ejup Rrustemi do të emërohet drejtor NP Rrugët shtetërore. Këtë e konfirmoi sot kryeministri i vendit Zoran Zaev./tv21

Continue Reading

Recent Posts