Connect with us

Lajme

Bebe Rexha zbulon se është në lidhje, i uron ditëlindjen me puthje të dashurit

Bebe Rexha është në një lidhje dashurie, por të dashurin e mban ende të fshehtë!

Këngëtarja shqiptare me famë botërore, Bebe Rexha, ka qenë gjithnjë e rezervuar sa i përket jetës së saj private.

Të rralla janë rastet kur ajo është përfolur për ndonjë lidhje me dikë, e kjo ndodhë sepse këngëtarja tenton të ruaj me fanatizëm jetën emotive të saj.

Por së fundmi, duket se ka diçka të re në jetën e saj, pasi prej muajsh paparacët kanë kapur disa fotografi të saj dhe një djalosh misterioz.

Bëhet fjalë për regjisorin e njohur Keyan Safyari, me të cilin aludohet se artistja shqiptare është në lidhje.

Për herë të parë, Bebe Rexha ndau së fundmi me ndjekësit e saj në InstaStory një imazh të saj, ku shfaqet duke puthur një mashkull pranë një veture luksoze.

Ajo ka mbuluar fytyrën e mashkullit misterioz me një emoji në formë zemre dhe ka shkruar “Urime ditëlindjen shpirt”, në mbishkrimin e fotografisë.

Kjo ka lënë fansat të aludojnë se 31-vjeçarja është në një lidhje dhe mjaft e lumtur në krahët e mashkullit, që nuk preferon ende ta bëjë publik për mediat.

Ndërkohë, për sa i përket muzikës, Bebe ka qenë më pak aktive këtë vit, por që u ka premtuar fansave që së shpejti do të sjellë solo këngën e saj të re./sinjali

Click to comment

You must be logged in to post a comment Login

Leave a Reply

Lajme

Kumanovë: 1.460 masa kundërvajtëse për mosmbajtjen e maskës

Policia e Kumanovës ka shqiptuar 1.460 sanksione kundërvajtëse për mosmbajtjen e maskës nga fillimi i muajit e deri dje, informuan sot nga SPB Kumanovë.

Numri i përgjithshëm ka të bëjë me banorët e tre komunave si Kumanova, Staro Nagoriçane dhe Likovë. Prej tyre, kumtoi policia, numri më i madh i masave kundërvajtëse për mosmbajtjen e maskave janë shqiptuar në rajonin e stacionit policor Kumanovë 1.252 kallëzime kundërvajtëse.

Në rajonin e repartit policor Mateç janë shqiptuar 189 kallëzime, ndërsa në rajonin e zyrës policore Staro Nagoripane 14.

Continue Reading

Lajme

Raporti javor i ISHP-së: Numri i të infektuarve është rritur për 19%, i të vdekurve për 58%

Të rinjtë po infektohen më shumë, përqindja e vdekshmërisë është më e lartë tek më të moshuarit

Numri i të infektuarve me koronavirus javën e kaluar (nga 12 deri 18 tetor) është rritur për 19.3 për qind, krahasuar me javën e kaluar, thuhet në raportin e Institutit për Shëndet Publik.

Rastet e reja pozitive janë nga 34 qytete, numri më i madh i tyre nga Shkupi.

Sa i përket numri të rasteve pozitive në krahasim me testimet e realizuara, përqindja është 20.3% krahasuar me javën e kaluar ku shënonte 17.2 për qind.

Të infektuarit janë të moshave të ndryshme, numri më i madh i tyre-20.9 për qind janë mes moshës 30 deri 39 vjeç, vijon grupmosha 40 deri 49 vjeç (19.5%), nga 20 në 29 vjet (17.6%), mbi 60 vjet (17.5%) dhe nga 50-59 vjet (16.6%). Numri më i ulët i të infektuarve është tek fëmijët nga 0 deri në 9 vjeç (3.0%).

Javën e kaluar janë regjistruar 49 viktima si pasojë e Covid-19 në gjithsej 16 qytete, që paraqet një rritje prej 58.1% krahasuar me javën e kaluar, kur kishte 31 viktima në 15 qytete.

Sa i përket moshës, 38 viktima kanë qenë mbi moshën 60 vjeçe, 9 viktima kanë qenë mes moshës 50-59 vjeçe, ndërsa dy viktima janë të grupmoshës 40 -49 vjeçe. 35 viktima kanë pasur sëmundje të tjera kronike.

Si janë infektuar

Anketat epidemiologjike tregojnë se nga numri i përgjithshëm i rasteve të reja, 470 (35.9%) janë infektuar përmes kontaktit të që kanë pasur me ndonjë rast tashmë të konfirmuar, ndërsa 26 (2.0%) janë infektuar pasi kanë udhëtuar jashtë shtetit brenda 14 ditëve të fundit.

Nga 12 deri më 18 tetor janë testuar gjithsej 13,213 persona, ndërsa janë regjistruar 2.676 raste të reja.

Continue Reading

Lajme

MASH: Notimi i nxënësve edhe me prani fizike, deri më 20 nëntor!

Twitter

Deri më 20 nëntor nxënësit duhet të marrin notat e para lidhur me suksesin e arritur nga mësimi online, ka bërë të ditur Ministria e Arsimit duke përshkruar mënyrën e re të vlerësimit të vendosur për shkak të krizës me Covid-19.

Vlerësimi mund të kombinohet, nga distancë dhe takime fizike me nxënës, duke respektuar masat për mbrojtjen kundër covid-19.

“Organizimi i takimeve, orëve me prani fizike në klasë, për të inkurajuar nxënësit, për të kontrolluar atë që është arritur dhe për të vlerësuar njohuritë e tyre në shkollë, ka për qëllim: Plotësimin e boshllëqeve gjatë mësimit, inkurajimin e të mësuarit shtesë / të thelluar, kujdesin për zhvillimin shoqëror dhe emocional të nxënësit, duke vlerësuar aftësitë praktike që është e vështirë të demonstrohen në klasë virtuale”, thuhet në udhëzimet për mësimdhënësit lidhur me vlerësimin e nxënësve.

Sipas udhëzimit për mësimdhënësit, takimet me nxënësit duhet të zgjasin nga 20 deri në 30 minuta dhe në to mund të marrin pjesë deri në 10 nxënës.

“Kjo qasje lejon që mësimdhënësit t’i kushtojë vëmendje të mjaftueshme secilit nxënës dhe të njihet me vështirësitë apo sfidat me të cilat përballet në arritjen e rezultateve të parashikuara me programet mësimore”, thuhet në udhëzimet për mësimdhënësit.

Ministria e Arsimit dhe Shkencës dhe Byroja për Zhvillimin e Arsimit, në një deklaratë për media, u bëjnë thirrje mësimdhënësve që të harmonizojnë vlerësimin e nxënësve bazuar në mësimin nga distanca dhe të theksojnë se mësimdhënësit mund të bëjë një tabelë të provave / prodhimeve që nxënësi do ti dërgojë si pjesë e portofolit elektronik që do të vlerësohet.

“Është e nevojshme të vendosen udhëzime të qarta në lidhje me rezultatet e pritura nga mësimi si dhe mënyra e ndjekjes, kontrollimit dhe vlerësimit të arritjeve të nxënësve në këtë periudhë. Gjatë formimit të vlerësimit duhet të jepen detyra autentike që eliminojnë mundësinë e përgjigjeve të gatshme nga materialet mësimore, ose nga burime të tjera të informacionit, si dhe të sigurohet kontroll mbi kohën për zgjidhjen e detyrave. Kriteret e vlerësimit dhe afatet e dorëzimit të tyre duhet t’u komunikohen qartë studentëve dhe prindërve”, thuhet në njoftimin e Ministrisë së Arsimit.

Dikasteri i arsimit thekson se Ministria thekson se të mësuarit në një klasë virtuale është një sfidë, por thonë se gjithashtu ofron një mundësi për të bërë një hap përpara në vlerësim dhe për të vendosur praktika që mund të përmirësojnë më tej procesin arsimor./Alsat

Continue Reading

Recent Posts