Connect with us

Kosovë

Çfarë po fshihet prapa deklaratës së Shkëlzen Gashit, zbulohet se çka po përgatitet për Kosovën

Ish-këshilltari i kryeministrit në detyrë të Kosovës, Albin Kurtit – Shkëlzen Gashi, ditë më parë ka qenë i ftuar në një nga televzionet e Kosovës, bëri jehonë me një deklaratë i cili përfsiu të gjithë opinonin duke ardhur deri tek shkarkimi i tij nga detyra,

Gashi u shkarkua nga pozita e këshilltarit politik pas deklaratave të tij për UÇK-në, ku tha se pjesëtarë të saj dyshohet se kanë kryer krime lufte, dhe se janë përgjegjës për zhdukjen e rreth 1 mijë civilëve.

Një deklaratë e tillë ka shkaktuar debat të ashpër në opinion, përfshirë edhe nga vetë akterë të Vetëvendosjes të cilët kërkuan shkarkimin e Gashit.

Në lidhje me këtë Profesori universitar, Enver Bytyçi, në një prononcim për “Bota sot”, u shpreh që u ngritën kundër kësaj deklarate të gjithë politikanët dhe njerëz të tjerë të politikës dhe nxituan ta linçojnë zotin Gashi, deri në atë masë sa edhe ta murosin.

“Kam ndjekur vërtet me shqetësim deklaratat kundër një pohimi të Shkëlzen Gashit, ish-këshilltar i kryeministrit Kurti. Në një intervistë televizive Gashi tha se individë me uniformë, madje me pozitë të lartë në UÇK kanë kryer krime kundër civilëve, përfshirë serbë dhe shqiptarë. U ngritën kundër kësaj deklarate të gjithë politikanët dhe njerëz të tjerë të politikës dhe nxituan ta linçojnë zotin Gashi, deri në atë masë sa edhe ta murosin. Nuk them se duhej ose jo kritikuar ai për korrektësinë ose jokorrektësinë e deklaratës së tij. Por politizimi i skajshëm i saj krijoi një shije të idhët në mendjet e hapura dhe të ftohta: Fushata e linçimit hedh disa dyshime të logjikshme”.

“Pra nëse shtrojmë një pyetje analizë për reagimin e një sërë politikanësh dhe krerë të veteranëve të lidhur me politikën se cila është prapavija e këtyre reagimeve, atëherë veçojmë se:

1. Duhet të lexojmë deklaratën e Baton Haxhiut, në të cilën ai pohon se në marrëveshjen me Serbinë duhet të përfshihet një marrëveshje për faljen e të gjitha krimeve bashkë me çbërjen e Gjykatës Speciale në Hagë. Fushata denigruese ndaj Shkëlzen Gashit është orkestrim i shtabit serb në Prishtinë për ta paraqit këtë marrëveshje si akt historik, me qëllim që publiku të mos surprizohet dhe të mos reagojë nga klauzola e ndryshimit të kufijve, shkëmbimit të territoreve dhe ndarjes së Kosovës. Ndaj u shfrytëzua deklarata e zotit Gashi për të përgatit opinionin për një operacion territorial të Kosovës.

2. Në këto reagime dallohet lehtë përpjekja e të dyshuarve për krime lufte e të akuzuar nga Gjykata Speciale për ta njësuar veten e tyre me Ushtrinë Çlirimtare të Kosovës. Jo pa qëllim deklarata e zotit Gashi manipulohet, duke e paraqit atë si deklaratë të drejtuar kundër UÇK-së. Kjo psikozë është tipike për sistemet totalitare bolshevike. Po u akuzua lideri i UÇK-së, atëherë akuzohet UÇK. Pra funksionon ideologjia e Majakovskit, sipas të cilit “Partia është Lenini dhe Lenini është partia”! UÇK qenka Hashimi dhe Hashimi qenka UÇK?! Paradoks!

3. Frika më e madhe e atyre që shfaqen të shqetësuar nga deklarata e Shkëlzen Gashit ka të bëjë me krimet e pasluftës. Ndaj dhe Hashim Thaçi është investuar për ndryshimin e kufijve me kusht zhbërjen e Gjykatës Speciale. Si është e mundur që mbi 200 vrasje politike që i takojnë polikanëve dhe aktivistëve të LDK-së nuk ka asnjëra prej tyre një autor të caktuar! Është fenomen unik ky në këto kohë. Me qëllim që të shkohet drejt varrosjes së përgjithmonëshme të hetimeve për këto krime regjizorët e tipit Baton Haxhiu organizuan fushatën linçuese ndaj zotit Gashi. Ndërkaq vetë Gashi në një sqarim shtesë të deklaratës fillestare thotë se ai nuk ka shprehur dhe nuk shpreh asnjë reserve për luftën e Ushtrisë Çlirimtare të Kosovës. Gjithçka ka të bëjë me elementë të caktuar në UÇK, të cilët kanë urdhëruar ose kanë kryer krime kundër civilëve gjatë dhe mas luftës”.

Më tej, Bytyçi shprehët që gjatë luftës në adresë të elementit politik shqiptar sidomos në LDK duhen hetuar deri në fund. Edhe nëse familjet e dëshmorëve bien dakord për arsye të ndryshme që këto krime të falen, shoqëria e Kosovës ka nevojë të çlirohet nga krimi, duke përmendur edhe deklaratat e idealistëve të Thaçit.

“Në gjykimin tim krimet politike të pasluftës, por edhe gjatë luftës në adresë të elementit politik shqiptar sidomos në LDK duhen hetuar deri në fund. Edhe nëse familjet e dëshmorëve bien dakord për arsye të ndryshme që këto krime të falen, shoqëria e Kosovës ka nevojë të çlirohet nga krimi. Kjo do të ndodh vetëm atëherë kur vendoset drejtësia dhe kriminelët shkojnë prapa hekurave. Në këtë kuptim vlerësoj se shoqërinë e Kosovës e çlorin nga kjo histori tragjike më shumë deklarata e Shkëlzen Gashit, sesa reagimet dogmatike të idealistëve ose lëpirësve të Hashim Thaçit të kyçur në shtabin e propagandas së Baton Haxhiut”.

Në fund, Profesori, shprehët që Kurti i gjendur përballë kësaj furie e shkarkoi zotin Gashi mirëpo që pavarësisht kësaj nuk duhet që të i lëm ata që vranë kundërshtarët politikë të vrasin edhe vetë Kosovën.

“Kryeministri Kurti i gjendur përballë gjithë kësaj furie reagoi dhe e shkarkoi zotin Gashi nga detyra e këshilltarit të tij. Ai me këtë bën kalkulimet e veta politike. Por e vërteta duhet zbuluar dhe të vërtetës nuk mund t’I iket me kompromise në dëm të interesave dhe territorit të Kosovës. Mos i lini ata që vranë kundërshtarët politikë të vrasin edhe vetë Kosovën”, përfundoi Bytyçi për “Bota sot”./Bota Sot/

Kosovë

Djali 9-vjeç e ka agjëruar krejt Ramazanin, e filloi kur ishte vetëm 8-vjeçar

Besimtarët myslimanë festojnë sot festën e Fitër Bajramit, raporton Gazeta Express.

Derisa në institucionet shtetërore është ditë feste, disa qytetarë janë parë në shesh të Prishtinës duke shkuar në punë.

Njëri nga qytetarët që ishte duke shkuar në punë ka folur për emisionin #gjesi duke bërë të ditur se ai nuk ka agjëruar ramazanin, por e kanë agjëruar fëmijët e tij.

Më i vogli nga fëmijët sipas të njëjtit ishte vetëm 8-vjeç kur kishte filluar të agjëronte.

Këtë vit, kur ai ka mbushur 9-vjet, prindi i tij thotë se ai e ka agjëruar krejt ramazanin.

“Djali jem 9 vjec e ka agjëru krejt ramazanin. Nuk i kam thanë mos e nino se eka pas me dëshirë. Edhe një vit më herët e ka agjëru, prej 8 vjet”, ka thënë ai./GazetaExpress/

Continue Reading

Kosovë

Tërnava bën thirrje që besimtarët të respektojnë masat kundër virusit gjatë Bajramit

Myftiu i Kosovës, Naim Tërvana, në prag të festës së Fitër Bajramit, që shënon fundin e Muajit të Ramazanit, ka uruar të gjithë besimtarët myslimanë për këtë festë, duke u bërë thirrje që gjatë shënimit të kësaj feste, të respektojnë masat kundër koronavirusit.

Të enjten, besimtarët myslimanë festojnë Fitër Bajramin, një ndër festat kryesore në besimin Islam.

Këtë vit, në Kosovë, Fitër Bajrami do të falet në xhami, por duke respektuar masat kundër koronavirusit.

“Ne nesër kemi festë dhe bashkërisht do të jemi në xhamitë tona për ta falur namazin e Fitër Bajramit, por të kemi kujdes sepse virusi është ende në mesin tonë. Andaj për ta ruajtur veten e shëndetin publik, ne kemi hequr dorë nga ana ceremoniale e manifestimit tradicional të Bajramit. Në xhami do të jemi duke respektuar protokollet kundër COVID-19 dhe për ta falur vetëm namazin e Fitër Bajramit. Ju ftoj që të bëni kujdes edhe me vizitat tradicionale të Bajramit”, tha myftiu i Kosovës, Naim Tërnava.

Për shkak të pandemisë së koronavirusit, më 2020, dy festat e Bajramit, besimtarët myslimanë në Kosovë nuk kanë mundur t’i falin në xhami.

Këtë radhë, Bashkësia Islame e Kosovës ka njoftuar se në xhami do të falet vetëm namazi i Fitër Bajramit dhe jo ai i mëngjesit. Xhamitë, sipas BIK-ut, do të hapen dhjetë minuta para faljes së Bajramit.

Continue Reading

Kosovë

Kosova shpreson për investime amerikane

Agjencia federale e Shteteve të Bashkuara e quajtur Banka për Zhvillim e Amerikës, thotë se po punon me Departamentin e Shtetit dhe Kongresin, mbi strategjinë e përgjithshme të Korporatës amerikane për Zhvillim Financiar Ndërkombëtar (DFC) nën administrimin e presidentit Joe Biden. Diplomatët nga Serbia, Kosova dhe Greqia i thanë Zërit të Amerikës se vendet e tyre shpresojnë për interes të qëndrueshëm amerikan dhe investime në Ballkan dhe në Egje.

David Marchick, Drejtor i Përgjithshëm i Operacioneve të DFC-së, i tha Zërit të Amerikës në një deklaratë me shkrim, se “DFC-ja është e përqendruar fuqimisht në angazhimin tonë. Zyrtarët tanë, ekspertë të financave në Uashington, do të vazhdojnë të thellojnë bashkëpunimin me zyrtarët e ambasadave dhe partnerët tanë në rajon, për të identifikuar mundësi të reja premtuese investimesh në Ballkan dhe në Egje”.

DFC-ja u themelua falë një ligji dypartiak të nënshkruar nga ish presidenti Donald Trump në tetor të vitit 2018. Më një kapacitet financiar prej 60 miliardë dollarësh, DFC-ja ka për detyrë të mbështesë kapitalin dhe aftësitë e sektorit privat në zhvillimin e vendeve më pak të pasura. Në deklaratën themeluese të agjencisë thuhet se ajo është “e ngarkuar me një rol të rëndësishëm për të ndihmuar përparimin e politikës së jashtme të Shteteve të Bashkuara duke iu kundërvënë rritjes së ndikimit të regjimeve autoritare”.

Vëzhguesit vënë në dukje se agjencia mund të funksionojë si krahu strategjik i Amerikës për të kontrolluar investimet dhe ndikimin kinez jashtë shtetit, ndërsa rritë interesat komerciale dhe strategjike të Shteteve të Bashkuara në gjithë botën.

Në shtator të vitit 2020, DFC-ja themeloi zyrën e saj të parë rajonale, në Beograd, kryeqytetin e Serbisë. Zyrtarët amerikanë udhëtuan në Serbi, Kosovë dhe Greqi për të diskutuar mënyrat e bashkëpunimit përmes DFC-së. Ndërrimi i pushtetit në Uashington disa muaj më vonë, raportohet të ketë shkaktuar një shkallë pasigurie në kryeqytetet e Ballkanit dhe Egjeut në lidhje me fatin e projekteve që ishin diskutuar, si dhe drejtimin e përgjithshëm të mbështetjes së qeverisë amerikane për investime në rajon.

Si për të zbutur shqetësimet e tilla, zoti Marchick tha në deklaratën e tij me shkrim për Zërin e Amerikës se “DFC-ja është e angazhuar për të mbështetur investimet në sektorin privat në Serbi, Kosovë dhe më gjerë në rajon. Ne jemi të gatshëm të punojmë me marrëveshjet e ripërtërira të Investimeve të DFC-së me Kosovën dhe Serbinë, për çka mbetemi të përkushtuar dhe vazhdojmë përqendrimin tonë, që zuri fill vitin e kaluar me krijimin e një pranie rajonale të DFC-së” në Beograd.

Duke e cilësuar rajonin një “përparësi thelbësore”, zoti Marchick tha DFC-ja “vazhdon të punojë ngushtë me ambasadat amerikane në Ballkan dhe Egje, veçanërisht me ambasadën në Beograd, për të përzgjedhur personelin në zyrën rajonale të DFC-së ndërsa punojmë me Departamentin e Shtetit dhe Kongresin për strategjinë e përgjithshme të DFC-së dhe burimet për praninë tonë jashtë shtetit “.

“Ne po punojmë për të ndihmuar përballjen me ndikimin e pandemisë së COVID-19 në Ballkan dhe Egje me një përqendrim në ndërtimin e infrastrukturës thelbësore për të mbështetur rritjen ekonomike; zgjerimin e qasjes në energji të ripërtërishme, teknologji dhe kujdes shëndetësor; dhe avancimin e përfshirjes financiare, veçanërisht për bizneset e vogla dhe gratë sipërmarrëse”, theksoi ai.

Për publikun në Ballkan dhe Egje, më shumë DFC, më shumë Amerikë, është një lajm i mirëpritur.

Për Greqinë, DFC-ja është “një mjet shumë i rëndësishëm gjeo-ekonomik dhe gjeostrategjik në një rajon më të gjerë që përfshin Ballkanin dhe Mesdheun Lindor. Ajo mund të dëshmohet shumë e frytshme në promovimin e projekteve kryesore të infrastrukturës, duke përfshirë sigurinë energjetike, burimet e ripërtërishme dhe energjinë e pastër”, i tha Zërit të Amerikës Nikos Papadopulos, shefi i sektorit të diplomacisë publike në ambasadën greke në Uashington.

Valdet Sadiku, i cili arriti një muaj e gjysmë më parë për të udhëhequr misionin diplomatik të Kosovës në Uashington si i ngarkuar me punë, tha se vendi i tij pret të zgjerojë lidhjet me Amerikën “në çdo mënyrë të mundshme”.

“Për ne, kjo është një përparësi” i tha zoti Sadiku Zërit të Amerikës në një intervistë telefonike. Ndonëse zgjedhjet në Kosovë sollën në pushtet një qeveri të re në Prishtinë, zoti Sadiku tha se, “mund t’ju siguroj që asgjë nuk ka ndryshuar në lidhje me marrëdhëniet tona me Shtetet e Bashkuara në përgjithësi dhe DFC-në në veçanti në këtë rast”.

“Ne duam të nderojmë punën e zotit John Jovanovich (drejtori i parë i zyrës rajonale të DFC-së). Ai ishte me të vërtetë i mrekullueshëm dhe kontribuoi në efektivitetin e kësaj zyre”, tha Marko Gjuriç, ambasadori i Serbisë në Shtetet e Bashkuara, në një intervistë me Zërin e Amerikës. “Ne do të bëjmë më të mirën për ta bërë bashkëpunimin tonë me drejtorin e ri edhe më të suksesshëm”, tha ai.

“Dëshira e Serbisë për të krijuar lidhje sa më të forta të mundshme me shtetet e Bashkuara është jopartiake”, theksoi ai. “Ne duam të punojmë shumë intensivisht me administratën e re për të promovuar lidhjet ekonomike”.

“Në fakt, i gjithë rajoni ka qenë i njëzëshëm në mbështetjen e punës së DFC-së”, tha ai. “Ne jemi të etur për të parë DFC-në të angazhohet në sa më shumë projekte konkrete të jetë e mundur”./VOA/

Continue Reading

Recent Posts

 

Më të lexuarat e javës

Shares