Connect with us

Kosovë

Xharra e pyet publikisht Thaçin për draft-marrëveshjen e re: Leposaviqi i kalon Serbisë, krijohet Asociacioni dhe Kisha Ortodokse bëhet si Vatikani!?

Gazetarja Jeta Xharra i ka dërguar disa pyetje presidentit Hashim Thaçi, përmes të cilave ajo e pyet për arritjen e një draft-marrëveshje mes Kosovës e Serbi, në të cilën është i përfshirë ai dhe ku parashihet që Leposaviqi t’i takoj Serbisë.

Ajo thotë se me draft-marrëveshje mes Kosovës e Serbinë ka informacione se Kisha Ortodokse Serbe me gjitha pronat e saj ne Kosovë të jetë entitet eksterritorial, transmeton Veriu.info.

Ja postimi i Jeta Xharrës:

Javën e kaluar kam qu pyetje te Hashim Thaçi, s’kam marrë përgjegje. Pyetjet që i qova para disa orëve po i bëj publike sepse mu s’po më përgjgijet. Andaj, a ka naj trim a trimneshë në Amerikë që ia bon këto pyetje Hashimit edhe publikisht? Kisha dashtë edhe me i dëgju përgjigjet e tij, por edhe me ia pa ftyrën tu u përgjigjë!

I have sent questions last ëeek to Hashim Thaçi but have not received ansëers. I am thus publicising questions I’ve sent to him a a feë hours ago to Hashim Thaçi. Since he is not ansëering to me, are people in America that can pose these questions to him publicly? I ëould love to listen to the ansëers as ëell as see his face ansëering.

Këto janë pyetjet për Hashim Thaçin:
Pse nuk po i bëni transparente krejt çështjet që jeni duke planifikuar t’i negoconi me Vuçiqin në Shtëpinë e Bardhë?

  1. Kemi informatë që po qarkullon një draft-marrëveshje mes Kosovës e Serbisë e cila, mes tjerash, në këmbim për njohjen e Kosovës nga Serbia, do të përfshijë:

Krijimin e Asociacionit të Komunave Serbe i cili e menaxhon shëndetësinë, ekonominë dhe arsimin nga Serbia;

  1. Kisha Ortodokse Serbe me gjitha pronat e saj ne Kosovë të jetë entitet eksterritorial (me pavarësi të ngjashme si të Vatikanit);
    Krijimi i edhe një komune të re Serbe në Kosovë (duke i marrë territor Vushtrrisë, Obiliqit, Skenderajit) e cila lidhet me Graçanicë;
    Komuna e Leposaviqit t’i takojë Serbisë në demarkimin e ri që do të bëhet mes Kosovës e Serbisë.
  2. A jeni të vetëdijshëm që jeni duke nënshkruar marrëveshje që pastaj nuk mund ta zbatoni? Si i komentoni kritikat që ju qëllimisht fotografoheni e reklamoheni për nevoja të sotme duke injoruar obligimet e së nesërmes?
  3. Keni thënë që jeni mashtruar kur keni nënshkruar demarkacionin me Mal të Zi dhe formimin e Gjykatës Speciale, nën premtimin që marrim liberalizimin e vizave e kjo nuk ka ndodhë. Cilat janë gjasat që ju prap mund të mashtroheni?
  4. A jeni të vetëdijshëm që lufta në Bosne e Hercegovinë ka filluar pasi që është pranuar në OKB dhe që Ukrainës edhepse ka qenë pjesë e OKB-së iu ka rrëmby territori (Krimea) nga Rusia. Pra, a jeni i vetëdijshëm që hyrja në OKB (edhe nëse i pranoni kushtet e lartëcekura) nuk e garanton fundin e luftës së Serbisë ndaj Kosovës dhe që kjo në masë të madhe mund të sjellë deri te një konflikt të ri post-njohje në Kosovë?
  5. A është e vërtetë që Gjykata Speciale ju ka intevistuar së paku një herë në Prishtinë e një herë në Vjenë? Si i komentoni kritikat që thonë që kompromiset të cilat po i pranoni në relacion me Serbinë nuk e kanë qëllim përmirësimin e marrëdhënieve Kosovë-Serbi, por vetëm të shpëtoni nga akuzat e Gjykatës Speciale?
  6. Cilat janë gjasat që edhe t’i nënshkruani këto marrëveshjet e lartëcekura me Serbinë, por edhe të përfundoni në Gjykatë Speciale?
  7. Nëse nuk i bëni transparente këto kompromise apo shprehje të interesit për marrëveshje, nëse nuk i bëni transparente temat që po i diskutoni me Serbinë, nëse nuk po i bëni transparente marrëveshjet e nënshkruara për aviacion, hekurudha e autostrada (përkundër faktit që ne kemi dërgu kërkesë për çasje në dokumente zyrtare dhe ligji ju obligon t’i bëni publike), si pritni t’ju besojë populli?
  8. Në Rambuje keni negocu me spektër ma të gjanë politik të Kosovës; në Vjenë po ashtu keni negocu me spektër ma të gjanë të politikës së Kosovës. Në të dy këto raste mund të thuhet që rezultati ka qenë pozitiv – NATO e ka bombarduar Serbinë dhe Kosova e ka shpallur pavarësinë.

Tani, duke mos u koordinuar me qeverinë e Kosovës, keni mbetur i vetmuar me një ekip të vogël i cili nuk e përfaqëson në mënyrë reale spektrin politik të Kosovës. Si mendoni t’i përmbushni obligimet eventuale të Kosovës, qoftë për njohje të Serbisë qoftë për të shpëtuar nga Gjykata e Hagës?

Kosovë

Djali 9-vjeç e ka agjëruar krejt Ramazanin, e filloi kur ishte vetëm 8-vjeçar

Besimtarët myslimanë festojnë sot festën e Fitër Bajramit, raporton Gazeta Express.

Derisa në institucionet shtetërore është ditë feste, disa qytetarë janë parë në shesh të Prishtinës duke shkuar në punë.

Njëri nga qytetarët që ishte duke shkuar në punë ka folur për emisionin #gjesi duke bërë të ditur se ai nuk ka agjëruar ramazanin, por e kanë agjëruar fëmijët e tij.

Më i vogli nga fëmijët sipas të njëjtit ishte vetëm 8-vjeç kur kishte filluar të agjëronte.

Këtë vit, kur ai ka mbushur 9-vjet, prindi i tij thotë se ai e ka agjëruar krejt ramazanin.

“Djali jem 9 vjec e ka agjëru krejt ramazanin. Nuk i kam thanë mos e nino se eka pas me dëshirë. Edhe një vit më herët e ka agjëru, prej 8 vjet”, ka thënë ai./GazetaExpress/

Continue Reading

Kosovë

Tërnava bën thirrje që besimtarët të respektojnë masat kundër virusit gjatë Bajramit

Myftiu i Kosovës, Naim Tërvana, në prag të festës së Fitër Bajramit, që shënon fundin e Muajit të Ramazanit, ka uruar të gjithë besimtarët myslimanë për këtë festë, duke u bërë thirrje që gjatë shënimit të kësaj feste, të respektojnë masat kundër koronavirusit.

Të enjten, besimtarët myslimanë festojnë Fitër Bajramin, një ndër festat kryesore në besimin Islam.

Këtë vit, në Kosovë, Fitër Bajrami do të falet në xhami, por duke respektuar masat kundër koronavirusit.

“Ne nesër kemi festë dhe bashkërisht do të jemi në xhamitë tona për ta falur namazin e Fitër Bajramit, por të kemi kujdes sepse virusi është ende në mesin tonë. Andaj për ta ruajtur veten e shëndetin publik, ne kemi hequr dorë nga ana ceremoniale e manifestimit tradicional të Bajramit. Në xhami do të jemi duke respektuar protokollet kundër COVID-19 dhe për ta falur vetëm namazin e Fitër Bajramit. Ju ftoj që të bëni kujdes edhe me vizitat tradicionale të Bajramit”, tha myftiu i Kosovës, Naim Tërnava.

Për shkak të pandemisë së koronavirusit, më 2020, dy festat e Bajramit, besimtarët myslimanë në Kosovë nuk kanë mundur t’i falin në xhami.

Këtë radhë, Bashkësia Islame e Kosovës ka njoftuar se në xhami do të falet vetëm namazi i Fitër Bajramit dhe jo ai i mëngjesit. Xhamitë, sipas BIK-ut, do të hapen dhjetë minuta para faljes së Bajramit.

Continue Reading

Kosovë

Kosova shpreson për investime amerikane

Agjencia federale e Shteteve të Bashkuara e quajtur Banka për Zhvillim e Amerikës, thotë se po punon me Departamentin e Shtetit dhe Kongresin, mbi strategjinë e përgjithshme të Korporatës amerikane për Zhvillim Financiar Ndërkombëtar (DFC) nën administrimin e presidentit Joe Biden. Diplomatët nga Serbia, Kosova dhe Greqia i thanë Zërit të Amerikës se vendet e tyre shpresojnë për interes të qëndrueshëm amerikan dhe investime në Ballkan dhe në Egje.

David Marchick, Drejtor i Përgjithshëm i Operacioneve të DFC-së, i tha Zërit të Amerikës në një deklaratë me shkrim, se “DFC-ja është e përqendruar fuqimisht në angazhimin tonë. Zyrtarët tanë, ekspertë të financave në Uashington, do të vazhdojnë të thellojnë bashkëpunimin me zyrtarët e ambasadave dhe partnerët tanë në rajon, për të identifikuar mundësi të reja premtuese investimesh në Ballkan dhe në Egje”.

DFC-ja u themelua falë një ligji dypartiak të nënshkruar nga ish presidenti Donald Trump në tetor të vitit 2018. Më një kapacitet financiar prej 60 miliardë dollarësh, DFC-ja ka për detyrë të mbështesë kapitalin dhe aftësitë e sektorit privat në zhvillimin e vendeve më pak të pasura. Në deklaratën themeluese të agjencisë thuhet se ajo është “e ngarkuar me një rol të rëndësishëm për të ndihmuar përparimin e politikës së jashtme të Shteteve të Bashkuara duke iu kundërvënë rritjes së ndikimit të regjimeve autoritare”.

Vëzhguesit vënë në dukje se agjencia mund të funksionojë si krahu strategjik i Amerikës për të kontrolluar investimet dhe ndikimin kinez jashtë shtetit, ndërsa rritë interesat komerciale dhe strategjike të Shteteve të Bashkuara në gjithë botën.

Në shtator të vitit 2020, DFC-ja themeloi zyrën e saj të parë rajonale, në Beograd, kryeqytetin e Serbisë. Zyrtarët amerikanë udhëtuan në Serbi, Kosovë dhe Greqi për të diskutuar mënyrat e bashkëpunimit përmes DFC-së. Ndërrimi i pushtetit në Uashington disa muaj më vonë, raportohet të ketë shkaktuar një shkallë pasigurie në kryeqytetet e Ballkanit dhe Egjeut në lidhje me fatin e projekteve që ishin diskutuar, si dhe drejtimin e përgjithshëm të mbështetjes së qeverisë amerikane për investime në rajon.

Si për të zbutur shqetësimet e tilla, zoti Marchick tha në deklaratën e tij me shkrim për Zërin e Amerikës se “DFC-ja është e angazhuar për të mbështetur investimet në sektorin privat në Serbi, Kosovë dhe më gjerë në rajon. Ne jemi të gatshëm të punojmë me marrëveshjet e ripërtërira të Investimeve të DFC-së me Kosovën dhe Serbinë, për çka mbetemi të përkushtuar dhe vazhdojmë përqendrimin tonë, që zuri fill vitin e kaluar me krijimin e një pranie rajonale të DFC-së” në Beograd.

Duke e cilësuar rajonin një “përparësi thelbësore”, zoti Marchick tha DFC-ja “vazhdon të punojë ngushtë me ambasadat amerikane në Ballkan dhe Egje, veçanërisht me ambasadën në Beograd, për të përzgjedhur personelin në zyrën rajonale të DFC-së ndërsa punojmë me Departamentin e Shtetit dhe Kongresin për strategjinë e përgjithshme të DFC-së dhe burimet për praninë tonë jashtë shtetit “.

“Ne po punojmë për të ndihmuar përballjen me ndikimin e pandemisë së COVID-19 në Ballkan dhe Egje me një përqendrim në ndërtimin e infrastrukturës thelbësore për të mbështetur rritjen ekonomike; zgjerimin e qasjes në energji të ripërtërishme, teknologji dhe kujdes shëndetësor; dhe avancimin e përfshirjes financiare, veçanërisht për bizneset e vogla dhe gratë sipërmarrëse”, theksoi ai.

Për publikun në Ballkan dhe Egje, më shumë DFC, më shumë Amerikë, është një lajm i mirëpritur.

Për Greqinë, DFC-ja është “një mjet shumë i rëndësishëm gjeo-ekonomik dhe gjeostrategjik në një rajon më të gjerë që përfshin Ballkanin dhe Mesdheun Lindor. Ajo mund të dëshmohet shumë e frytshme në promovimin e projekteve kryesore të infrastrukturës, duke përfshirë sigurinë energjetike, burimet e ripërtërishme dhe energjinë e pastër”, i tha Zërit të Amerikës Nikos Papadopulos, shefi i sektorit të diplomacisë publike në ambasadën greke në Uashington.

Valdet Sadiku, i cili arriti një muaj e gjysmë më parë për të udhëhequr misionin diplomatik të Kosovës në Uashington si i ngarkuar me punë, tha se vendi i tij pret të zgjerojë lidhjet me Amerikën “në çdo mënyrë të mundshme”.

“Për ne, kjo është një përparësi” i tha zoti Sadiku Zërit të Amerikës në një intervistë telefonike. Ndonëse zgjedhjet në Kosovë sollën në pushtet një qeveri të re në Prishtinë, zoti Sadiku tha se, “mund t’ju siguroj që asgjë nuk ka ndryshuar në lidhje me marrëdhëniet tona me Shtetet e Bashkuara në përgjithësi dhe DFC-në në veçanti në këtë rast”.

“Ne duam të nderojmë punën e zotit John Jovanovich (drejtori i parë i zyrës rajonale të DFC-së). Ai ishte me të vërtetë i mrekullueshëm dhe kontribuoi në efektivitetin e kësaj zyre”, tha Marko Gjuriç, ambasadori i Serbisë në Shtetet e Bashkuara, në një intervistë me Zërin e Amerikës. “Ne do të bëjmë më të mirën për ta bërë bashkëpunimin tonë me drejtorin e ri edhe më të suksesshëm”, tha ai.

“Dëshira e Serbisë për të krijuar lidhje sa më të forta të mundshme me shtetet e Bashkuara është jopartiake”, theksoi ai. “Ne duam të punojmë shumë intensivisht me administratën e re për të promovuar lidhjet ekonomike”.

“Në fakt, i gjithë rajoni ka qenë i njëzëshëm në mbështetjen e punës së DFC-së”, tha ai. “Ne jemi të etur për të parë DFC-në të angazhohet në sa më shumë projekte konkrete të jetë e mundur”./VOA/

Continue Reading

Recent Posts

 

Më të lexuarat e javës

Shares